(vovworld) – ໂຄສົກຂອງຄະນະກຳມະການທ້ອນໂຮມຊາດເປັນເອກະພາບ, ສັນຕິພາບ ສປປ.ເກົາຫຼີ (CPRK) ຖືວ່າ ເລື່ອງ ສ.ເກົາຫຼີ ແລະ ອາເມລິກາ ປະກາດດຳເນີນການຊ້ອມຮົບຮ່ວມຊຶ່ງຄາດວ່າຈະເລີ່ມດຳເນີນໃນເດືອນໜ້າ ກໍ່ເຊັ່ນດຽວກັນກັບຖະແຫຼງການປະກາດສົງຄາມນີວເຄຍ. ໂຄສົກຂອງຄະນະກຳມະການທ້ອນໂຮມຊາດເປັນເອກະພາບ, ສັນຕິພາບ ສປປ.ເກົາຫຼີ ຊີ້ແຈ້ງວ່າພຽງຢ່າງກ່າວເຕືອນ ສ.ເກົາຫຼີ ແລະ ອາເມລິກາ ບໍ່ໄດ້ດຳເນີນບັນດາການຊ້ອມຮົບທີ່ອາດຈະເຮັດໃຫ້ສະພາບການໃນແຫຼມ ເກົາຫຼີ ກໍ່ຄືການພົວພັນລະຫວ່າງສອງພາກ ເກົາຫຼີ ກາຍເປັນໂສກນາດຕະກຳ. ຕົ້ນເດືອນນີ້, ສປປ.ເກົາຫຼີ ໄດ້ປະຕິເສດຂໍ້ສະເໜີຂອງປະທານາທິບໍດີ ສ.ເກົາຫຼີ Park Geun – Hye ກ່ຽວກັບເລື່ອງເຊື່ອມຕໍ່ການເຄື່ອນໄຫວຈັດຕັ້ງການເຕົ້າໂຮມບັນດາຄອບຄົວທີ່ຖືກພັດພາກຈາກກັນໃນສົງຄາມ ເກົາຫຼີ(1950 – 1953) ດ້ວຍເຫດຜົນສະພາບການບໍ່ເໝາະສົມເພື່ອຈັດຕັ້ງການເຄື່ອນໄຫວດັ່ງກ່າວຍ້ອນບັນດາການຊ້ອມຮົບຂອງ ສ.ເກົາຫຼີ.