(vovworld) – ວັນທີ 14/09, ສື່ມວນຊົນສປປ.ເກົາຫຼີ ໃຫ້ຂ່າວວ່າ, ຄາດວ່າ, ປະເທດນີ້ຈະຍິງບັນດາດາວທຽມ ເຂົ້າອະວະກາດ ແລະ ບັນດາບາດກ້າວກະກຽມໃຫ້ແຜນການນີ້ໄດ້ກ້າວເຂົ້າສູ່ໄລຍະສຸດທ້າຍ. ຖະແຫຼງການນີ້ໄດ້ເຮັດໃຫ້ຫາງສຽງມີຄວາມສົງໄສວ່າ ພຽງຢາງ ຈະຍິງລູກສອນໄຟໄລຍະໄກ ກົງກັບໂອກາດສະເຫຼີມສະຫຼອງ 70 ປີແຫ່ງວັນສ້າງຕັ້ງພັກແຮງງານສປປ.ເກົາຫຼີ ໃນເດືອນ 10 ຈະມາເຖິງ. ເມື່ອຕອບສຳພາດສຳນັກຂ່າວສານສູນກາງສປປ.ເກົາຫຼີ (KCNA), ຫົວໜ້າອົງການພັດທະນາການບິນຈັກກະວານສປປ.ເກົາຫຼີ ຖະແຫຼງວ່າ, ອົງການນີ້ພວມສົ່ງເສີມໄລຍະສຸດທ້າຍຂອງແຜນການພັດທະນາດາວທຽມສັງເກດໜ່ວຍໂລກ ເພື່ອພະຍາກອນອາກາດ. ແຕ່ວ່າ, ຖະແຫຼງການດັ່ງກ່າວບໍ່ຊີ້ແຈ້ງຈຸດເວລາດຳເນີນການຍິງດາວທຽມນີ້ເທື່ອ.