ພາບປະກອບ:internet
|
(vovworld) - ວັນທີ 5/3, ກອງບັນຊາການສູງສຸດກອງທັບ ສປປ ເກົາຫລີ ກ່າວເຕືອນວ່າຈະຍົກເລິກສັນຍາຢຸດຮົບຊື່ງໄດ້ຮັບການລົງນາມພາຍຫລັງສົງຄາມລະຫວ່າງເກົາຫລີໄລຍະແຕ່ ປີ 1950-1953. ໃນຖະແຫລງການທາງໂທລະພາບແຫ່ງລັດ ທ່ີກ່າວປະນາມນະໂຍບາຍເປັນປໍລະປັກຂອງ ອາເມລິກາ ແລະ ສເກົາຫລີ ສຳລັບ ສປປ ເກົາຫລີ, ໂຄສົກກອງທັບ ສປປ ເກົາຫລີ ໄດ້ຢືນຢັນວ່າ: ກອງທັບປະເທດນີ້ຈະມີບັນດາມາດຕະການໂຕ້ຕອບຫລາຍກວ່າ ແລະ ແຂງແຮງກວ່າ. ປະເທດນີ້ ກໍໄດ້ຕັດໂທລະສັບສາຍດ່ວນ ແລະ ຢຸດຕິວຽກງານຂອງຄະນະຜູ້ຕາງຫນ້າຂອງຕົນຢູ່ໝູ່ບ້ານຢຸດຮົບ Panmunjom ຊົ່ວຄາວ ຊື່ງແມ່ນແຫ່ງທີ່ບັນດາຜູ້ຕາງຫນ້າຂອງ ພຽງຢາງ ແລະ ເຊີອຸູນ ເຄີຍດຳເນີນການພົບປະ, ພົວພັນຕິດຕໍ່ ແລະ ແລກປ່ຽນສອງຝ່າຍຄັ້ງຕ່າງໆ. ຖະແຫລງການດັ່ງກ່າວຖືກຍົກອອກມາ ພາຍຫລັງ ທີ່ອາເມລິກາ ແລະ ສເກົາຫລີ ເລີ່ມຕົ້ນການຊ້ອມຮົບຮ່ວມປະຈຳປີຢ່າງເປັນທາງການ ຊື່ງແກ່ຍາວແຕ່ວັນທີ 1/3 - 30/4.