(ພາບ:baotintuc.vn)
(vovworld)- ວັນທີ 23/6 ສປປ ເກົາຫລີ ໄດ້ກ່າວຫາອາເມລິກາ ເຮັດໃຫ້ສະພາບການໃນແຫລມເກົາຫລີ ເຄັ່ງຕຶງຂຶ້ນຕື່ມ ພ້ອມທັງຮຽກຮ້ອງໃຫ້ວໍຊິງຕັນ ຈົ່ງມີການກະທຳອັນແທດຈິງຖ້າຫາກຢາກມີສັນຕິພາບ. ສຳນັກຂ່າວສານສູນກາງ ສປປ ເກົາຫລີ (KCN) ໄດ້ຄັດສະເໜີບົດວິຈານທີ່ລົງພິມໃນໜັງສືພິມ Rodong Sinmun ຂອງພັກແຮງງານ ສປປເກົາຫລີ ໂດຍເນັ້ນໜັກວ່າ: “ອາເມລິກາ ແມ່ນຜູ້ເຮັດໃຫ້ໃຫ້ສະພາບການໃນແຫລມເກົາຫລີ ເຄັ່ງຕຶງຂຶ້ນຕື່ມ ແລະ ຖ້າຢາກມີສັນຕິພາບ ອາເມລິກາ ຕ້ອງມີການກະທຳອັນແທດຈິງເພື່ອແນໃສ່ຢຸດຕິການເພີ່ມທະວີກຳລັງອາວຸດ, ນາບຂູ່ສົງຄາມ ແລະ ປະເທດອື່ນໆ”. ກ່ອນໜ້ານັ້ນ, ທ່ານ Sin Son Ho ເອກອັກຄະລັດຖະທູດ ສປປ ເກົາຫລີ ປະຈຳ ສປຊ ໄດ້ຮຽກຮ້ອງໃຫ້ ສປຊ ແລະ ອາເມລິກາ ຈົ່ງຍົກເລິກບັນດາຄຳສັ່ງລົງໂທດຕໍ່ ສປປ ເກົາຫລີ ແຕ່ອາເມລິກາ ພັດ ປະຕິເສດຄຳຮຽກຮ້ອງດັ່ງກ່າວ.