ທ່ານ Kim Jong-Un ປືກສາຫາລືແຜນການບຸກໂຈມຕີດ້ວຍລູກສອນໄຟ
ພາບ:internet
|
(vovworld) - ວັນທີ 4/4, ສປປ ເກົາຫລີ ຖະແຫລງວ່າ ອາດຈະດຳເນີນການໂຕ້ຕອບການທະຫານຢ່າງແຂງແຮງເພື່ອຕ້ານ ອາເມລິກາ ພາຍຫລັງ ທີ່ອາເມລິກາມີການກະທຳເກາະຜິດໃນຊຸມມື້ຜ່ານມາ. ສຳນັກຂ່າວສານສູນກາງ ສປປ ເກົາຫລີໄດ້ຄັດສະເຫນີຄຳ ຖະແຫລງຂອງກອງເສນາທິການໃຫຍ່ກອງທັບປະຊາຊົນ ສປປ ເກົາຫລີໃຫ້ຮູ້ວ່າ: ກອງບັນຊາການສູງສຸດໄດ້ໃຫ້ສັດຕະຍາບັນຂໍ້ຕົກລົງດັ່ງກ່າວ. ຖະແຫລງການໄດ້ຊີ້ແຈງວ່າ: ປະຊາຊົນ ແລະ ກອງທັບ ສປປ ເກົາຫລີ ພວມສຸມທຸກກຳລັງແຮງເພື່ອປົກປັກຮັກສາອະທິປະໄຕຂອງປະເທດຊາດກໍຄືສະກັດກັ້ນສົງຄາມນິວເຄຼຍຂອງອາເມລິກາ. ໃນຂະນະນັ້ນ, ກ່າວຄຳເຫັນຈາກ ວໍຊິງຕັນ, ທ່ານ Chuck Hagel ລັດຖະມົນຕີກະຊວງປ້ອງກັນປະເທດອາເມລິກາ ໄດ້ຢືນຢັນວ່າ: ບັນດາຄຳນາບຂູ່ ແລະ ການກະທຳໃນໄລຍະມໍ່ໆມານີ້ຂອງ ສປປ ເກົາຫລີ ແມ່ນການນາບຂູ່ຢ່າງແທດຈິງ ແລະ ຈະແຈ້ງ ສຳລັບອາເມລິກາ ກໍຄືບັນດາປະເທດພັນທະມິດຄື: ຍີ່ປຸ່ນ ແລະ ສເກົາຫລີ. ກະຊວງປ້ອງກັນປະເທດອາເມລິກາ ໃຫ້ຮູ້ວ່າ: ຈະຜັນຂະຫຍາຍລະບົບລູກສອນໄຟເຄື່ອນທີ່ເພື່ອປົກປັກຮັກສາບັນດາຖານທີ່ໝັ້ນທີ່ເກາະ Guam ຢູ່ປາຊີຟີກ. ກ່ອນຫນ້ານັ້ນ ໃນວັນທີ 3/4 ສເກົາຫລີ ໄດ້ເລັ່ງລັດ ສປປ ເກົາຫລີ ສືບຕໍ່ການເຄື່ອນໄຫວເຂົ້າອອກຂອງກຳມະກອນ ສເກົາຫລີຢູ່ເຂດອຸດສາຫະກຳຮ່ວມ Kaesong ໃນເຂດຊາຍແດນລະຫວ່າງສອງປະເທດໃຫ້ເປັນປົກກະຕິ.