ທ່ານນາຍົກລັດຖະມົນຕີ ຫງວຽນເຕີນຢູງ ໄດ້ເຮັດວຽກກັບຄະນະກຳມະການປະຊາຊົນນະຄອນໂຮ່ຈິມີນ
ພາບ: chinhphu.vn
|
(vovworld)-ຕອນເຊົ້າວັນທີ 7/9 ຢູ່ ນະຄອນໂຮ່ຈິມີນ, ທ່ານນາຍົກລັດຖະມົນຕີ ຫງວຽນເຕີນຢູງ ໄດ້ເຮັດວຽກກັບຄະນະກຳມະການປະຊາຊົນນະຄອນໂຮ່ຈິມີນ ກ່ຽວກັບວຽກງານຫລຸດຜ່ອນຈຳນວນຄົນເຈັບເຂົ້າໂຮງໝໍເກີນຂອບເຂດ. ກ່າວຄຳເຫັນທີ່ການເຮັດວຽກ, ທ່ານນາຍົກລັດຖະມົນຕີ ຫງວຽນເຕີນຢູງ ເນັ້ນຫນັກວ່າ: ຍາມໃດ ພັກ, ລັດ ກໍມີຄວາມເອົາໃຈໃສ່ພິເສດເຖິງວຽກງານເບິ່ງແຍງ, ຮັກສາສຸຂະພາບໃຫ້ແກ່ປະຊາຊົນ, ຮຽກຮ້ອງຕ້ອງສຸມທຸກແຫລ່ງກຳລັງ ແລະ ສ້າງບາດກ້າວບຸກທະລຸໃນຂົງເຂດນີ້ເພື່ອຕອບສະຫນອງຄວາມຕ້ອງການກວດ ແລະ ປິ່ນປົວພະຍາດຂອງປະຊາຊົນນັບມື້ນັບສູງ. ທ່ານນາຍົກລັດຖະມົນຕີ ຫງວຽນເຕີນຢູງ ຊີ້ແຈງວ່າ:
“ພວກເຮົາຕ້ອງສຸມແຫລ່ງກຳລັງເພື່ອລົງທຶນໃນ 5 ຂົງເຂດ ໃຫ້ແກ່ ບັນດາໂຮງໝໍລົງເລິກຂະແຫນງຢູ່ຂັ້ນຮາກຖານທີ່ມີຄົນເຈັບເຂົ້າກວດ, ປິ່ນປົວເກີນຂອບເຂດ ເພື່ອປະກອບສ່ວນຫລຸດຜ່ອນຈຳນວນຄົນເຈັບເຂົ້າໂຮງໝໍເກີນຂອບເຂດ, ທັງຍົກສູງຄຸນນະພາບກວດ,ປິ່ນປົວພະຍາດໃຫ້ແກ່ປະຊາຊົນ. ນອກນັ້ນ ແນະນຳຖ່າຍທອດວິທະຍາຍາດເຕັກນິກໃຫ້ແກ່ໂຮງໝໍຂັ້ນຮາກຖານ. ”