(vovworld) – ຕອນບ່າຍວັນທີ 26/8, ຢູ່ ຮ່າໂນ້ຍ, ທ່ານພົນຈັດຕະວາ ຟານວັນຢາງ, ຮອງຫົວໜ້າເສນາທິການໃຫຍ່ກອງທັບປະຊາຊົນ ຫວຽດນາມ ໄດ້ໃຫ້ການຕ້ອນຮັບທ່ານພັນເອກ ບຸນທ່ຽງ ຈັນທະມຸງຄຸນ, ຫົວໜ້າກົມໃຫຍ່ປ້ອງກັນຄວາມສະຫງົບ, ກະຊວງປ້ອງກັນຄວາມສະຫງົບ, ສປປ ລາວ ທີ່ພວມຢູ່ຢ້ຽມຢາມ ແລະ ເຮັດວຽກຢູ່ ຫວຽດນາມ. ທີ່ການຕ້ອນຮັບ, 2 ຝ່າຍຢືນຢັນວ່າສາຍພົວພັນການທູດປະຊາຊົນ, ພິເສດແມ່ນໃນເສັ້ນຊາຍແດນ ຫວຽດນາມ - ລາວ ຍາມໃດກໍ່ໄດ້ຮັບການຮັກສາເປັນຢ່າງດີ, ປະກອບສ່ວນສ້າງເສັ້ນຊາຍແດນສະຖຽນລະພາບ, ສັນຕິພາບ, ມິດຕະພາບ. ໃນໄລຍະຈະມາເຖິງ, ທະຫານປ້ອງກັນຊາຍແດນ ຫວຽດນາມ ແລະ ກົມໃຫຍ່ປ້ອງກັນຄວາມສະຫງົບ, ກະຊວງປ້ອງກັນຄວາມສະຫງົບ ສປປ ລາວ ຄວນເພີ່ມທະວີການແລກປ່ຽນຄະນະຜູ້ແທນ, ພົວພັນແລກປ່ຽນ, ຮຳ່ຮຽນເອົາບົດຮຽນ, ແບ່ງປັນບົດຮຽນເຊິ່ງກັນ ແລະ ກັນ, ແລກປ່ຽນຂໍ້ມູນຂ່າວສານ, ສົມທົບກັນລາດຕາເວນເພື່ອຮັກສາຄວາມສະຫງົບ, ສະຖຽນລະພາບທາງການເມືອງຢູ່ເຂດຊາຍແດນ.