ທ່ານນາຍົກລັດຖະມົນຕີ ຟ້າມມິງຈິງ ເຂົ້າຢ້ຽມຂ່ຳນັບກະສັດ ບຣູໄນ Hassanal Bolkiah (ພາບ: TTXVN)

ເວັບໄຊ borneobulletin.com ໄດ້ລົງບົດຂຽນ ໂດຍເນັ້ນໜັກວ່າ ນັບແຕ່ເມື່ອເຂົ້າເປັນສະມາຊິກ ອາຊຽນ ໃນປີ 1995, ຫວຽດນາມ ໄດ້ກາຍເປັນໜຶ່ງໃນບັນດາປະເທດທີ່ມີລະດັບການພັດທະນາເສດຖະກິດຢ່າງໄວວາທີ່ສຸດໃນພາກພື້ນ. ບົດຂຽນກໍໄດ້ຄັດສະເໜີຄຳປາໄສຂອງ ກະສັດ ບຣູໄນ Hassanal Bolkiah ໂດຍສະແດງຄວາມປາດຖະໜາຢາກພັດທະນາການພົວພັນດ້ານການຄ້າ ກັບ ຫວຽດນາມ ຫຼາຍກວ່າອີກ, ພິເສດແມ່ນຜ່ານການຮ່ວມດຳເນີນທຸລະກິດໃນຂົງເຂດປູກລ້ຽງສິນໃນນ້ຳ ເພື່ອຊ່ວຍສ້າງກຳລັງຄວາມສາມາດໃຫ້ແກ່ຂະແໜງອຸດສາຫະກຳທ້ອງຖິ່ນ ແລະ ຄ້ຳປະກັນດ້ານສະບຽງອາຫານ.

ສື່ມວນຊົນ ບຣູໄນ ກໍໄດ້ຄັດສະເໜີຄຳປາໄສຂອງທ່ານ Amin Liew Abdullah ຫົວໜ້າສຳນັກງານນາຍົກ, ທັງເປັນລັດຖະມົນຕີກະຊວງການເງິນ ແລະ ເສດຖະກິດ ບຣູໄນ ໂດຍໄດ້ເນັ້ນໜັກວ່າ ດ້ວຍລະດັບການເຕີບໂຕເສດຖະກິດເປັນຫນ້າຊື່ນຊົມຂອງຫວຽດນາມ, ບຣູໄນ ເຫັນໄດ້ເຖິງຄວາມສາມາດໃນການເພີ່ມທະວີການພົວພັນຄູ່ຮ່ວມມືເສດຖະກິດ ແລະ ການຄ້າຂອງສອງປະເທດ; ພ້ອມທັງຢັ້ງຢືນວ່າ ບຣູໄນ ຖືການພົວພັນອັນໜຽວແໜ້ນກັບ ຫວຽດນາມ ເປັນສຳຄັນ.