(VOVWORLD) -ເນື່ອງໃນການຢ້ຽມຢາມມິດຕະພາບ ສປປ.ລາວ ຢ່າງເປັນທາງການຂອງ ທ່ານປະທານສະພາແຫ່ງຊາດ ເວືອງດິ່ງເຫ້ວ, ວັນທີ 17 ພຶດສະພາ, ໜັງສືພິມ, ວິທະຍຸກະຈ່າຍສຽງ - ໂທລະພາບ ແລະ ໜັງສືພິມເອເລກໂຕນິກ ຂອງ ລາວ ສືບຕໍ່ໃຫ້ຂ່າວຢ່າງຫຼວງຫຼາຍກ່ຽວກັບການເຄື່ອນໄຫວຂອງຄະນະຜູ້ແທນ ຫວຽດນາມ.
 ສື່ມວນຊົນ ລາວ ສືບຕໍ່ໃຫ້ຂ່າວເປັນຈຳນວນຫຼາຍກ່ຽວກັບການຢ້ຽມຢາມມິດຕະພາບຢ່າງເປັນທາງການຂອງທ່ານປະທານສະພາແຫ່ງຊາດ ຫວຽດນາມ |
ໃນລາຍການຂ່າວສະຖານະການອອກອາກາດໃນຕອນເຊົ້າວັນທີ 17 ພຶດສະພາ, ວິທະຍຸກະຈາຍສຽງແຫ່ງຊາດ, ສະຖານີໂທລະພາບແຫ່ງຊາດ ລາວ ໄດ້ໃຫ້ຂ່າວກ່ຽວກັບການເຄື່ອນໄຫວຂອງ ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ, ກໍ່ຄືບັນດາເຫດການທີ່ກ່ຽວຂ້ອງ, ຂໍ້ຕົກລົງການຮ່ວມມືລະຫວ່າງສອງສະພາແຫ່ງຊາດ ທີ່ບັນລຸໄດ້ໃນການຢ້ຽມຢາມຄັ້ງນີ້.
ໜັງສືພິມປະຊາຊົນລາວ, ກອງທັບປະຊາຊົນລາວ, ປ້ອງກັນຄວາມສະຫງົບ, ປະເທດ ລາວ ລ້ວນແຕ່ລົງພິມຂ່າວໃນໜ້າທຳອິດກ່ຽວກັບການເຄື່ອນໄຫວພົບປະເຈລະຈາ ແລະ ບັນດາໝາກຜົນທີ່ບັນລຸໄດ້ລະຫວ່າງສະພາແຫ່ງຊາດສອງປະເທດ. ບັນດາບົດຂຽນລ້ວນແຕ່ຢັ້ງຢືນວ່າ ການຢ້ຽມຢາມໄດ້ດຳເນີນໃນສະພາບການສອງປະເທດ ຜັນຂະຫຍາຍຫຼາຍການເຄື່ອນໄຫວເນື່ອງໃນໂອກາດສະເຫຼີມສະຫຼອງ ປີສາມັກຄີມິດຕະພາບ ລາວ - ຫວຽດນາມ, ຫວຽດນາມ - ລາວ 2022, ແມ່ນໂອກາດເພື່ອປັບປຸງສາຍພົວພັນບໍ່ພຽງແຕ່ກ່ຽວກັບຂົງເຂດນິຕິບັນຍັດເທົ່ານັ້ນ, ຫາກຍັງເພີ່ມທະວີການພົວພັນມິດຕະພາບ, ຄວາມສາມັກຄີແບບພິເສດລະຫວ່າງສອງພັກ, ສອງລັດ ແລະ ປະຊາຊົນສອງປະເທດ, ພ້ອມທັງສຶກສາອົບຮົມມູນເຊື້ອໃຫ້ແກ່ຄົນລຸ້ນໜຸ່ມ ຈົ່ງຮັກສາ ແລະ ເສີມຂະຫຍາຍສາຍພົວພັນອັນດີງາມ, ນຳມາເຊິ່ງຜົນປະໂຫຍດໃຫ້ແກ່ປະຊາຊົນ ສອງປະເທດຢ່າງບໍ່ຢຸດຢັ້ງ.