(vovworld) – ວັນທີ 9/7, ບັນດາພະຫະນະສື່ມວນຊົນກຸຍບາ ໄດ້ໃຫ້ຂ່າວ ແລະ ພາບກ່ຽວກັບບັນດາການພົບປະຂອງທ່ານປະທານ Raul Castro ກັບບັນດາການນຳສູງສຸດຂອງຫວຽດນາມ ໃນຂອບເຂດການຢ້ຽມຢາມສັນຖະະວະໄມຕີຫວຽດນາມ ແຕ່ວັນທີ 8 – 9/7. ພາຍໃຕ້ຫົວຂໍ້ວ່າ “ນ້ຳໃຈມິດຕະພາບລະຫວ່າງສອງປະເທດພວກເຮົານັບມື້ນັບໄດ້ຮັບການປັບປຸງ”, ໜັງສືພິມລາຍວັນGranma - ອົງການກະບອກສຽງຂອງພັກກອມມູນິດສ.ກຸຍບາ ໄດ້ເນັ້ນໜັກວ່າ, ໂດຍບໍ່ຫົວຊາຕໍ່ຄວາມຫ່າງໄກດ້ານພູມມີປະເທດ, ຍາມໃດ ກຸຍບາ ແລະ ຫວຽດນາມ ກໍແມ່ນສອງປະເທດອ້າຍນ້ອງນຳກັນ ແລະ ສິ່ງງດັ່ງກ່າວໄດ້ຮັບການຢືນຢັນຄືນໃໝ່ດ້ວຍການຢ້ຽມຢາມສັນຖະວະໄມຕີຂອງທ່ານພົນເອກ Raul Castro, ປະທານສະພາແຫ່ງລັດ ແລະ ສະພາລັດຖະມົນຕີຄັ້ງນີ້. ໜັງສືພິມ Trabajadores ( ບັນດາຄົນງານ ) ກໍໃຫ້ຂ່າວກ່ຽວກັບການຢ້ຽມຢາມຂອງຄະນະຜູ້ແທນຂັ້ນສູງກຸຍບາ ຢູ່ຫວຽດນາມ ຢ່າງລະອຽດ, ໃນນັ້ນໄດ້ເນັ້ນໜັກເຖິງນ້ຳໃຈພິເສດຊິ່ງບັນດາການນຳຫວຽດນາມ ສະຫງວນໃຫ້ແກ່ຄະນະຜູ້ແທນກຸຍບາ. ໜັງສືພິມໄດ້ຄັດຄຳເວົ້າຂອງທ່ານປະທານປະເທດ Truong Tan Sang ທີ່ວ່າ: “ເມື່ອໄດ້ຕ້ອນຮັບສະຫາຍ ແລະ ຄະນະຜູ້ແທນກຸຍບາ, ພວກຂ້າພະເຈົ້າຮູ້ສຶກວ່າ ໄດ້ຕ້ອນຮັບອ້າຍນ້ອງໃນຂອບຄົວກັບເມືອບ້ານ ຫາກບໍ່ແມ່ນແຂກຕ່າງປະເທດ”. ໜັງສືພິມເອເລກໂຕນິກ Cubadebate ແລະ ໃນພາກຂ່າວທ່ຽງ ແລະ ຂ່າວຄໍ່າໂທລະພາບສູນກາງກຸຍບາ ກໍໄດ້ໃຫ້ຂ່າວຢ່າງຄົບຖ້ວນ ແລະ ມີຊີວິດຊີວາການເຄື່ອນໄຫວຕ່າງໆຂອງທ່ານ Raul Castro ໃນການຢ້ຽມຢາມສັນຖະວະໄມຕີຫວຽດນາມ.