ທ່ານປະທານ ຫງວຽນທ້ຽນເຍີນທີ່ການເຮັດວຽກ
|
(vovworld) - ວັນທີ 28/4, ຢູ່ຮ່າໂນ້ຍ, ສະມາຄົມນັກຂ່າວ ຫວຽດນາມ, ຄະນະກຳມະການສູນກາງແນວໂຮມປະເທດຊາດ ຫວຽດນາມ ແລະ ໜັງສືພິມ ເຍີນເຢີນ ໄດ້ສົມທົບກັນຈັດຕັ້ງກອງປະຊຸມສຳມະນາ “ສື່ມວນຊົນກັບວຽກງານປ້ອງກັນ, ຕ້ານສໍ້ລາດບັງຫຼວງ, ການຟຸມເຟືອຍ”. ກ່າວຄຳເຫັນທີ່ກອງປະຊຸມສຳມະນາ, ທ່ານ ຫງວຽນທ້ຽນເຍີນ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ເນັ້ນໜັກວ່າ ສະພາບຕົວຈິງໄດ້ພິສູດໃຫ້ເຫັນວ່າ ສື່ມວນຊົນ, ສື່ສານມີບົດບາດອັນໃຫຍ່ຫຼວງໃນວຽກງານຕໍ່ສູ້ປ້ອງກັນ, ຕ້ານການສໍ້ລາດບັງຫຼວງ, ການຟຸມເຟືອຍ. ທ່ານ ຫງວຽນທ້ຽນເຍີນ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ສະເໜີວ່າ ກອງປະຊຸມສຳມະນາຕ້ອງລົງເລິກໄຈ້ແຍກກ່ຽວກັບບົດບາດຂອງສື່ມວນຊົນໃນວຽກງານປ້ອງກັນ, ຕ້ານການສໍ້ລາດບັງຫຼວງ, ການຟຸມເຟືອຍ ເພື່ອແນໃສ່ຍົກສູງປະສິດທິຜົນວຽກງານປ້ອງກັນ, ຕ້ານການສໍ້ລາດບັງຫຼວງ, ການຟຸມເຟືອຍຂອງສື່ມວນຊົນ.