ສື່ມວນຊົນຄວນປຸກລຸກນ້ຳໃຈສາມັກຄີ,ເຕົ້າໂຮມປະຊາຊົນ,ປະກອບສ່ວນເຂົ້າການພັດທະນາປະເທດຊາດ
ທ່ານປະທານ ຫງວຽນທ້ຽນເຍີນ ຢ້ຽມຢາມ
ສະຖານີວິທະຍຸກະຈາຍສຽງ ຫວຽດນາມ
(vovworld) - ສື່ມວນຊົນຄວນປຸກລຸກນ້ຳໃຈສາມັກຄີ, ເຕົ້າໂຮມປະຊາຊົນ, ປະກອບສ່ວນເຂົ້າໃນການພັດທະນາປະເທດຊາດ ນັ້ນແມ່ນຄຳຢືນຢັນຂອງທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຫງວຽນທ້ຽນເຍີນ ເມື່ອລົງຢ້ຽມຢາມບາງອົງການສື່ມວນຊົນໃນຕອນເຊົ້າວັນທີ 18/06, ເນື່ອງໃນໂອກາດສະເຫຼີມສະຫຼອງ 91 ປີແຫ່ງວັນສື່ມວນຊົນປະຕິວັດ ຫວຽດນາມ (21/06/1925 – 21/06/2016). ຕາງໜ້າຄະນະປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຫງວຽນທ້ຽນເຍີນ ຕີລາຄາສູງຜົນງານຂອງບັນດາອົງການສື່ມວນຊົນໃນການໂຄສະນາແຜນນະໂຍບາຍ, ແນວທາງ, ນະໂຍບາຍຂອງພັກ, ລັດ ປະກອບສວ່ນກຳນົດທິດຫາງສຽງ, ສ້າງຄວາມເຫັນດີເຫັນພ້ອມ, ສາມັກຄີປະຊາຊົນ. ຮັບຮູ້ການຮ່ວມເດີນທາງຂອງບັນດາອົງການສື່ມວນຊົນພ້ອມກັບບັນດາການເຄື່ອນໄຫວຂອງແນວໂຮມປະເທດຊາດ ຫວຽດນາມ, ທ່ານ ຫງວຽນທ້ຽນເຍີນ ປາດຖະໜາວ່າ: ໃນໄລຍະຈະມາເຖິງ ບັນດາອົງການສື່ມວນຊົນຈະສືບຕໍ່ສົມທົບກັບແນວໂຮມປະເທດຊາດ ຫວຽດນາມ ໃນວຽກງານຕິດຕາມກວດກາ, ໄຈ້ແຍກຕີລາຄາສັງຄົມ, ປະກອບສ່ວນຊຸກຍູ້ການພັດທະນາເສດຖະກິດ - ສັງຄົມໃຫ້ນັບມື້ນັບໝັ້ນຄົງ. ບັນດາອົງການສື່ມວນຊົນຄວນສືບຕໍ່ປ່ຽນໃໝ່ເນື້ອໃນ, ຮູບການ, ສ້າງລາຍການ, ຄໍລຳຕື່ມອີກ ດ້ວຍຫລາຍພາສາຕ່າງປະເທດ ປຸກລຸກນ້ຳໃຈສາມັກຄີ, ເຕົ້າໂຮມປະຊາຊົນ, ປະກອບສ່ວນເຂົ້າການພັດທະນາຂອງປະເທດຊາດ.