ທ່ານ ຫງວຽນທ້ຽນເຍີນ ເຂົ້າຮ່ວມ ພິທີສະຫຼຸບ, ມອບລາງວັນ ໃຫ້ການແຂ່ງຂັນສື່ມວນຊົນ
(ພາບ: Trọng Đạt - TTXVN)
|
(vovworld)- ຕອນຄ່ຳ ວັນທີ 17/11, ຢູ່ຮ່າໂນ້ຍ, ຄະນະປະຈຳຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ຈັດຕັ້ງພິທີສະຫຼຸບ, ມອບລາງວັນ ໃຫ້ການແຂ່ງຂັນສື່ມວນຊົນ “ເພື່ອພາລະກິດ ມະຫາສາມັກຄີທົ່ວປວງຊົນ” ຄັ້ງທີ 12, ປີ 2015-2016. ກ່າວຄວາມເຫັນເປີດພິທີ, ທ່ານ ຫງວຽນທ້ຽນເຢີນ ປະທານສູນກາງແນວໂຮມປະເທດຊາດຫວຽດນາມ ເນັ້ນໜັກວ່າ: ແນວໂຮມປະເທດຊາດຫວຽດນາມ ຕີລາຄາສູງບົດບາດ, ການປະກອບສ່ວນ ຂອງສື່ມວນຊົນ ໃນທຸກດ້ານຂອງຊີວິດການເມືອງ, ເສດຖະກິດ, ວັດທະນະທຳ-ສັງຄົມ. ທ່ານ ຫງວຽນທ້ຽນເຢີນ ຢືນຢັນວ່າ:
“ມະຫາສາມັກຄີທົ່ວປວງຊົນ ຄວນສ້າງຄວາມເຫັນດີເຫັນພ້ອມໃນສັງຄົມ, ເພື່ອຮັບຮູ້ສະພາບການ ກ່ຽວກັບແນວທາງ, ແຜນການພັດທະນະປະເທດຊາດ. ຜັນຂະຫຍາຍບັນດາການຂົນຂວາຍ ແລະ ຂະບວນການແຂ່ງຂັນຮັກຊາດ ໃນໝູ່ປະຊາຊົນທຸກຊັ້ນຄົນ. ເສີມຂະຫຍາຍບົດບາດ ຄຸ້ມຄອງຂໍ້ລິເລີ່ມຂອງປະຊາຊົນເອງ, ເບິ່ງແຍງດູແລຊີວິດການເປັນຢູ່ຂອງປະຊາຊົນ ບັນດາຄອບຄົວໃນເຂດຊຸມຊົນ, ຕິດຕາມກວດກາ, ໄຈ້ແຍກຕີລາຄາສັງຄົມ… ດ້ວຍຈິດໃຈໃຈດັ່ງກ່າວ ພວກຂ້າພະເຈົ້າປາດຖະໜາວ່າ: ໃນຊຸມປີຈະມາເຖິງບັນດານັກຂ່າວ, ບັນດາອົງການສຳນັກຂ່າວສານ ໃນທົ່ວປະເທດ ຈະສືບຕໍ່ເຂົ້າຮ່ວມການແຂ່ງຂັນສື່ມວນຊົນ ເພື່ອພາລະກິດມະຫາສາມັກຄີທົ່ວປວງຊົນ”.
ທີ່ພິທີ, ທ່ານ ຫງວຽນທ້ຽນເຢີນ ປະທານສູນກາງແນວໂຮມປະເທດຊາດຫວຽດນາມ, ທ່ານ ຫວໍວັນເທືອງ ຫົວໜ້າຄະນະໂຄສະນາສູນກາງ ໄດ້ມອບລາງວັນ A ໃຫ້ນັກຂ່າວ, ກຸ່ມນັກຂ່າວ 5 ລາງວັນ. ພ້ອມກັນນັ້ນ, ຄະນະຈັດຕັ້ງ ກໍ່ໄດ້ມອບ ລາງວັນ B 20 ລາງວັນ, ລາງວັນ C 30 ລາງວັນ, ລາງວັນສົ່ງເສີມ 42 ລາງວັນ ໃຫ້ບັນດານັກຂ່າວ, ກຸ່ມນັກຂ່າວ. ລະບົບກະຈາຍສຽງພາກພາສາຕ່າງປະເທດແຫ່ງຊາດ ຍາດໄດ້ ລາງວັນ C ດ້ວຍບົດປະພັນ “ການເດີນທະເລໄປຍັງເຈື່ອງຊາ-ສ້າງຄວາມໄວເນື້ອເຊື່ອໃຈໃຫ້ພວກເຮົາ” ຂອງນັກຂ່າວ ລານເຟືອງ.