ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ພົບປະກັບຄະນະນັກຂ່າວ
(ພາບ: ສື່ເອເລັກໂຕນິກກົດໝາຍ)
(vovworld) – ຕອນບ່າຍວັນທີ 10/6, ທີ່ສຳນັກງານລັດຖະບານ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ພົບປະກັບຄະນະນັກຂ່າວເຂົ້າຮ່ວມລາຍການສື່ມວນຊົນຮ່ວມເດີນທາງພ້ອມກັບວິສາຫະກິດ, ນັກທຸລະກິດຄັ້ງທີ 2. ກ່າວຄຳເຫັນນະທີ່ນີ້, ທ່ານ ຫງວຽນຊວນຟຸກ ຢັ້ງຢືນການພົວພັນຮ່ວມມືລະຫວ່າງນັກຂ່າວ ແລະ ວິສາຫະກິດມີຄວາມສຳຄັນພິເສດໃນວິວັດທະນາການຜະລິດດຳເນີນທຸລະກິດຂອງວິສາຫະກິດເວົ້າສະເພາະ ແລະ ປະກອບສ່ວນເຂົ້າໃນການພັດທະນາເສດຖະກິດຂອງປະເທດຊາດເວົ້າລວມ. ສື່ມວນຊົນແມ່ນຂົວເຊື່ອມຕໍ່ລະຫວ່າງວິສາຫະກິດ ແລະ ລັດ, ຜ່ານຂໍ້ມູນຂ່າວດັ່ງກ່າວ, ບັນດາອົງການ ສື່ມວນຊົນຊ່ວຍໃຫ້ລັດຖະບານ ແລະ ບັນດາອົງການຂອງລັດຮັບຟັງຄຳເຫັນຂອງວິສາຫະກິດ, ຈາກການປະຕິບັດແຜນນະໂຍບາຍ, ນະໂຍບາຍເພື່ອປະກອບສ່ວນຍົກສູງປະສິດທິຜົນຂອງການບໍລິຫານ. ທ່ານນາຍົກລັດຖະມົນຕີ ເນັ້ນໜັກວ່າ: ຢູ່ບໍ່ວ່າໄລຍະໃດໆ, ສື່ມວນຊົນລ້ວນແຕ່ມີບົດບາດສຳຄັນໃນວິວັດທະນາການເຄື່ອນໄຫວຂອງວິສາຫະກິດ ແລະ ຜ່ານນັ້ນ, ປະກອບສ່ວນເຂົ້າໃນການພັດທະນາລວມຂອງປະເທດຊາດຄືປົກປັກຮັກສາ, ສ້າງວຽກເຮັດງານທຳ, ຮັບປະກັນຊີວິດສັງຄົມ. ການພົວພັນລະຫວ່າງສື່ມວນຊົນ ແລະ ວິສາຫະກິດ ຍັງສະແດງອອກຜ່ານການຮ່ວມແຮງຮ່ວມໃຈກັບສື່ມວນຊົນໃນການເຄື່ອນໄຫວສ້າງເຄື່ອງໝາຍການຄ້າ, ໂຄສະນາຜະລິດຕະພັນ, ພັດທະນາການຜະລິດດຳເນີນທຸລະກິດຂອງວິສາຫະກິດ.