ສື່ມວນຊົນປະຕິບັດໜ້າທີ່ໂຄສະນາກ່ຽວກັບການພັດທະນາປະເທດຊາດເປັນຢ່າງດີ
(ທ່ານຫົວໜ້າຄະນະໂຄສະນາສຶກສາສູນກາງ ດິງເທ໋ຮິງ)
(vovworld) – ວັນທີ 24/12, ທ່ານຫົວໜ້າຄະນະໂຄສະນາສຶກສາສູນກາງ ດິງເທ໋ຮິງ ເປັນປະທານການປະຊຸມກັບນັກຂ່າວເມື່ອຕົ້ນປີລະດູບານໃໝ່ປີມະແມ 2015. ກ່າວຄວາມເຫັນນະທີ່ນີ້, ທ່ານດິງເທ໋ຮິງ ເນັ້ນໜັກວ່າ ປີ 2015 ແມ່ນປີທີ່ີມີບັນດາເຫດການສຳຄັນຂອງປະເທດຊາດ ແລະ ສື່ມວນຊົນຫວຽດນາມ…. ສະນັ້ນ, ວຽກງານສື່ມວນຊົນຕ້ອງຍົກສູງຄຸນນະພາບ, ປະສິດທິຜົນ, ທັງກ່ຽວກັບການກຳ, ການຊີ້ນຳນຳພາ, ການຄຸ້ມຄອງ, ການຜັນຂະຫຍາຍຂໍ້ມູນຂ່າວໂຄສະນາ… ທ່ານຫົວໜ້າໂຄສະນາສຶກສາສູນກາງ ຖືວ່າ: ບັນດາຜູ້ທີ່ເຮັດວຽກງານສື່ມວນຊົນຄວນຮັບຮູ້ບົດບາດ, ທີ່ຕັ້ງ, ໜ້າທີ່ຂອງສື່ມວນຊົນປະຕິວັດຢ່າງເລິກເຊິ່ງກ່ວາອີກ; ຝຶກຝົນຄວາມຮູ້ຄວາມສາມາດດ້ານການເມືອງ, ຄຸນສົມບັດວິຊາຊີບ, ຍົກສູງລະດັບວິຊາສະເພາະ. ບັນດາອົງການສື່ມວນຊົນຄວນສຸມໃສ່ໂຄສະນາການປະຕິບັດໜ້າທີ່ເສດຖະກິດ-ສັງຄົມປີ 2015 ເປັນຢ່າງດີ; ຮີບເຮັ່ງສ້າງແຜນການ, ຜັນຂະຫຍາຍຢ່າງຕັ້ງໜ້າ, ມີຫົວຄິດປະດິດສ້າງໃນການໂຄສະນາພິທີສະເຫຼີມ ສະຫຼອງ 125 ປີ ແຫ່ງວັນຄ້າຍວັນເກີດຂອງທ່ານປະທານໂຮ່ຈິມິນ, 40 ປີ ແຫ່ງວັນປົດປ່ອຍພາກໃຕ້, ໂຮມປະເທດຊາດເປັນເອກະພາບ, ໂຄສະນາກອງປະຊຸມໃຫຍ່ອົງຄະນະພັກທຸກຂັ້ນມຸ່ງໄປເຖິງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກ.
ທີ່ການປະຊຸມ, ທ່ານຮອງນາຍົກລັດຖະມົນຕີ ຫວູດຶກດາມ ປາດຖະໜາວ່າ ສື່ມວນຊົນຈະສືບຕໍ່ຮຽງບ່າຮຽງໄຫລ່ພ້ອມກັບລັດຖະບານ, ອຳ ນາດການປົກຄອງທຸກຂັ້ນ ແລະ ພ້ອມກັບທົ່ວປະເທດປ່ຽນໃໝ່ຫຼາຍກ່ວາອີກ; ເຮັດໜ້າທີ່ສື່ສານໂຄສະນາ, ລະດົມກຳລັງໃຈ, ຕຳນິຕິຊົມ, ປະກອບ ສ່ວນຢ່າງຕັ້ງໜ້າເຂົ້າໃນການປ່ຽນໃໝ່ກົນໄກຄຸ້ມຄອງເສດຖະກິດ, ຍົກສູງຜົນສັກສິດ, ປະສິດທິຜົນໃນການບໍລິຫານ ແລະ ການຄຸ້ມຄອງເສດຖະກິດເປັນຢ່າງດີ. ສື່ມວນຊົນສືບຕໍ່ປຸກລຸກນ້ຳໃຈສາມັກຄີແຫ່ງຊາດ, ກຳລັງແຮງຍຸກສະໄໝ ເພື່ອສະໜັບສະໜູນວິວັດການປົກປັກຮັກສາອະທິ ປະໄຕຜືນແຜ່ນດິນອັນຄົບຖ້ວນຂອງຫວຽດນາມ; ສະໜັບສະໜູນລັດຖະ ບານກໍ່ສ້າງລັດແຫ່ງອຳນາດນິຕິບັນຍັດ, ເພີ່ມທະວີກົດລະບຽບຂໍ້ບັງຄັບ.