ສື່ມວນຊົນຝຣັ່ງຕີລາຄາຫວຽດນາມແມ່ນຕະຫຼາດຂະຫຍັນຂັນເຄື່ອນ,ເຕັມໄປດ້ວຍຄວາມສາມາດບົ່ມຊ້ອນໃນການພັດທະນາ
 ທ່ານປະທານາທິບໍດີ ຝຣັ່ງ Francois Hollande ໃນການຢ້ຽມຢາມ ຫວຽດນາມ ຫວ່າງແລ້ວນີ້(ພາບ: Phạm Kiên/TTXVN)
|
(vovworld) – ເນື່ອງໃນໂອກາດການມາຢ້ຽມຢາມ ຫວຽດນາມ ຂອງທ່ານປະທານາທິບໍດີ ຝຣັ່ງ Francois Hollande, ໃນອາທິດກ່ອນ, ສື່ເອກເລັກໂຕນິກ Capital.fr ຂອງ ຝຣັ່ງ ຫາກໍ່ມີບົດຂຽນຕີລາຄາວ່າ: ຫວຽດນາມ ມີຄວາມຂະຫຍັນຂັນເຄື່ອນ ແລະ ພວມກາຍເປັນຕະຫຼາດນັບມື້ນັບໄດ້ຮັບຄວາມເອົາໃຈໃສ່ຈາກ ຝຣັ່ງ. ຕາມບົດຂຽນແລ້ວ, ຫວຽດນາມ ແມ່ນໜຶ່ງໃນບັນດາພື້ນຖານເສດຖະກິດເຕີບໂຕແຮງທີ່ສຸດຢູ່ ອາຊີ, ດ້ວຍລະດັບເຕີບໂຕແບບຍືນຍົງ, ບັນລຸກ່ວາ 6% ໃນແຕ່ລະປີ, ນັບແຕ່ປີ 2014, ແລະ ຕາມອົງການຮ່ວມມື ແລະ ພັດທະນາເສດຖະກິດ (OECD) ແລ້ວ, ລະດັບນີ້ຈະສືບຕໍ່ໄດ້ຮັບການຮັກສາໄວ້ໃນຊຸມປີຈະມາເຖິງ. ໃນຂະນະນັ້ນ, ໄພເງິນເຟີ້ຈະໄດ້ຮັບການຄວບຄຸມຢູ່ໃນລະດັບຕຳ່ກ່ວາ 3%. ບົດຂຽນໄດ້ເນັ້ນໜັກວ່າທີ່ຕັ້ງພູມສາດພິເສດກໍ່ໍ່ແມ່ນໜຶ່ງໃນບັນທ່າແຮງຂອງປະເທດນີ້ ໃນຂະນະທີ່ ຫວຽດນາມ ມີທ່າກຳ່ປັ່ນ ຫຼາຍແຫ່ງຍ້ອນມີຝັ່ງທະເລຍາວກ່ວາ 3.200 ກມ ແລະ ນອນໃນບັນດາເສັ້ນທາງການຄ້າຕົ້ນຕໍຂອງໂລກ, ສ້າງເງື່ອນໄຂໃຫ້ປະເທດເປີດປະຕູດ້ານການຄ້າກັບສາກົນ. ອີກອັນໜຶ່ງ, ຫວຽດນາມ ຍັງມີຄວາມສາມາດບົ່ມຊ້ອນດ້ານກະສິກຳທີ່ໝັ້ນຄົງ ແມ່ນໜຶ່ງໃນບັນດານັກຜະລິດຕົ້ນຕໍຂອງໂລກກ່ຽວກັບເຂົ້າສານ, ສິນທະເລ, ກາເຟ, ພ້ອມທັງມີຂະແໜງທ່ອງທ່ຽວພັດທະນາຢ່າງໄວ.
ບົດໜັງສືພິມໄດ້ຄັດສະເໜີຄຳເວົ້າຂອງນັກຂ່າວ Dominique Baillard ໂດຍໃຫ້ຮູ້ວ່າ: ໃນປີ 2016, ຫວຽດນາມ ກາຍເປັນໜຶ່ງໃນບັນດາປະເທດພວມພັດທະນາທີ່ດຶງດູດແຫຼ່ງເງິນລົງທຶນໂດຍກົງຈາກຕ່າງປະເທດຫຼາຍທີ່ສຸດໃນໂລກ. ດ້ວຍພົນລະເມືອງໜຸ່ມ, ຫວຽດນາມ ຈະແມ່ນຕະຫຼາດພາຍໃນທີ່ມີຄວາມສາມາດບົ່ມຊ້ອນຫຼາຍຢ່າງດ້ວຍກຳລັງຊື້ນັບມື້ນັບເພີ່ມຂຶ້ນ. ນີ້ກໍ່ແມ່ນແຫຼ່ງສະໜອງຄົນງານທີ່ອຸດົມສົນບູນ ແລະ ມີສີມືແຮງງານສູງ.