ສື່ມວນຊົນລາວໃຫ້ຂ່າວກ່ຽວກັບການຢ້ຽມຢາມລາວຂອງປະທານປະເທດຫວຽດນາມເຈີ່ນດ້າຍກວາງໃນມໍ່ໆນີ້
ໝີບີ່ງ,ນັກຂ່າວVOVປະຈຳລາວ -
ພາບປະກອບຈາກ ໝີບີ່ງ
(vovworld) – ບັນດາໜັງສືພິມໃຫຍ່ຂອງລາວ ສະບັບອອກວັນທີ 10/6 ກໍ່ລ້ວນແຕ່ລົງພິມຂ່າວໃນໜ້າຫຼັກກ່ຽວກັບການຢ້ຽມຢາມທາງລັດຖະກິດ ສປປ ລາວ ຂອງທ່ານປະທານປະເທດ ຫວຽດນາມ ເຈີ່ນດ້າຍກວາງ ພ້ອມກັບພັນລະຍາ ແລະ ຄະນະຜູ້ແທນຂັ້ນສູງ ໃນລະຫວ່າງວັນທີ 12 – 14/6 ຕາມຄຳເຊີນຂອງທ່ານເລຂາທິການໃຫຍ່, ປະທານປະເທດ ສປປ ລາວ ບຸນຍັງ ວໍລະຈິດ.
ໃນໜ້າທຳອິດຂອງໜັງສືພິມ ປະຊາຊົນ, ສຽງຂອງສູນກາງພັກປະຊາຊົນປະຕິວັດ ລາວ ສະບັບອອກວັນທີ 10/6 ໄດ້ລົງພິມຊີວະປະຫວັດຫຍໍ້ ແລະ ວິວັດການເຄື່ອນໄຫວປະຕິວັດຂອງທ່ານປະທານປະເທດ ເຈີ່ນດ້າຍກວາງ. ບົດໜັງສືພິມ ໄດ້ເນັ້ນໜັກວ່າ: ການຢ້ຽມຢາມແມ່ນເພື່ອແນໃສ່ເພີ່ມທະວີ ແລະ ເສີມຂະຫຍາຍການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ 2 ປະເທດ ຫວຽດນາມ ແລະ ລາວ.
ໜັງສືພິມ ວຽງຈັນໃໝ່, ສຽງຂອງຄະນະພັກ ແລະ ອຳນາດການປົກຄອງນະຄອນຫຼວງ ວຽງຈັນ ໄດ້ຢັ້ງຢືນການຢ້ຽມຢາມຖືກດຳເນີນໄປໃນບັນຍາກາດທັງ 2 ປະເທດຫາກໍ່ດຳເນີນກອງປະຊຸມໃຫຍ່ຂອງ 2 ພັກຢ່າງສຳເລັດຜົນກໍ່ຄືຫາກໍ່ເລືອກຕັ້ງບັນດາຕຳແໜ່ງການນຳຂັ້ນສູງຂອງພັກ, ລັດ, ລັດຖະບານ ແລະ ສະພາແຫ່ງຊາດ.
ໜັງສີພິມ ວຽງຈັນທາມ ເນັ້ນໜັກການຢ້ຽມຢາມທາງລັດຖະກິດ ລາວ ຂອງທ່ານປະທານປະເທດ ຫວຽດນາມ ຖືກຈັດຕັ້ງພາຍຫຼັງການຢ້ຽມຢາມຫວຽດນາມ ຢ່າງເປັນທາງການຂອງທ່ານເລຂາທິການໃຫຍ່, ປະທານປະເທດ ລາວ ບຸນຍັງ ວໍລະຈິດ ໃນເດືອນ 4/2016. ນີ້ກໍ່ແມ່ນການຢ້ຽມຢາມ ລາວ ຄັ້ງທຳອິດຂອງທ່ານປະທານປະເທດ ເຈີ່ນດ້າຍກວາງ ໃນຖານະຕຳແໜ່ງເປັນປະທານປະເທດ.
ໜັງສືພິມປະເທດລາວ ໄດ້ທົບທວນຄືນບັນດາຈຸດພົ້ນເດັ່ນໃນການພົວພັນຮ່ວມມືລະຫວ່າງ 2 ປະເທດ. ບົດໜັງສືພິມສະຫລຸບວ່າ: ການຢ້ຽມຢາມ ລາວ ຂອງທ່ານປະທານປະເທດ ຫວຽດນາມ ເຈີ່ນດ້າຍກວາງ ຄັ້ງນີ້ຈະແມ່ນເຫດການປະຫວັດສາດສຳຄັນຂອງການພົວພັນຮ່ວມມືລະຫວ່າງ 2 ປະເທດ ຫວຽດນາມ ແລະ ລາວ, ປະກອບສ່ວນເພີ່ມພຸນຄຸນສ້າງການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ 2 ປະເທດ ຫວຽດນາມ ແລະ ລາວ.
ສ່ວນບັນດາໜັງສືພິມສະບັບຕ່າງໆຄື: KPL (ສຳນັກຂ່າວສານລາວ), ເສດຖະກິດສັງຄົມ, ເສດຖະກິດການຄ້າ… ສະບັບອອກວັນທີ 10/6 ກໍ່ລ້ວນແຕ່ໃຫ້ຂ່າວ ແລະ ພາບຂອງທ່ານປະທານປະເທດ ເຈີ່ນດ້າຍກວາງ.
ໝີບີ່ງ,ນັກຂ່າວVOVປະຈຳລາວ