ສຸມໃສ່ກໍ່ສ້າງຟຸ໋ອຽນກາຍເປັນທ້ອງຖິ່ນພັດທະນາທີ່ດີຂອງເຂດແຄມທະເລຕອນໃຕ້ພາກກາງ
ທ່ານປະທານປະເທດ ຫວຽດນາມ ເຈີ່ນດ້າຍກວາງ
ເຮັດວຽກ ກັບການນຳແຂວງ ຟຸ໋ອຽນ
(ພາບສຳນັກຂ່າວສານຫວຽດນາມ)
(vovworld) - ສຸມໃສ່ກໍ່ສ້າງ ຟຸ໋ອຽນ ກາຍເປັນທ້ອງຖິ່ນພັດທະນາທີ່ດີຂອງເຂດແຄມທະເລທາງທິດໃຕ້ພາກກາງ. ນີ້ແມ່ນຄຳເຫັນຊີ້ນຳຂອງທ່ານປະທານປະເທດ ຫວຽດນາມ ເຈີ່ນດ້າຍກວາງ ທີ່ການເຮັດວຽກໃນວັນທີ 27/06 ກັບການນຳແຂວງ ຟຸ໋ອຽນ ກ່ຽວກັບສະພາບການພັດທະນາເສດຖະກິດ - ສັງຄົມ, ການປ້ອງກັນຊາດປ້ອງກັນຄວາມສະຫງົບ, ສ້າງລະບົບການເມືອງປີ 2015 ແລະ 6 ເດືອນຕົ້ນປີ 2016. ທ່ານປະທານປະເທດ ເຈີ່ນດ້າຍກວາງ ຖືວ່າ: ເພື່ອໃຫ້ແຂວງ ຟຸ໋ອຽນ ສາມາດບັນລຸໄດ້ບັນດາເປົ້າໝາຍ, ໜ້າທີ່, ມາດຕະການພັດທະນາເສດຖະກິດ - ສັງຄົມ, ຮັບປະກັນການປ້ອງກັນຊາດປ້ອງກັນຄວາມສະຫງົບ, ສ້າງລະບົບການເມືອງໄລຍະປີ 2015 – 2020 ເຊິ່ງແຂວງໄດ້ວາງອອກ, ຟຸ໋ອຽນ ຄວນສຸມໃສ່ພັດທະນາອຸດສາຫະກຳ - ກໍ່ສ້າງ, ເປັນຕົ້ນແມ່ນ ຂະແໜງການທີ່ມີທ່າແຮງແກ່ງແຍ້ງຈຳນວນໜຶ່ງຄື: ອຸດສາຫະກຳໜູນຊ່ວຍ, ພະລັງງານສະອາດ, ການປຸງແຕ່ງຜະລິດຕະພັນກະສິກຳ, ປ່າໄມ້, ສິນໃນນ້ຳ; ພ້ອມກັນນັ້ນ ທາງແຂວງຄວນມີນະໂຍບາຍໜູນຊ່ວຍ ຊຸກຍູ້ບັນດາວິສາຫະກິດຂະໜາດກາງ ແລະ ນ້ອຍ...ແຂວງ ຟຸ໋ອຽນ ຄວນສຸມໃສ່ການກໍ່ສ້າງເຂດເສດຖະກິດທາງທິດໃຕ້ຂອງແຂວງ ຟຸ໋ອຽນ ໃຫ້ກາຍເປັນໜຶ່ງໃນບັນດາຈຸດສຸມອຸດສາຫະກຳ, ທ່າກ່ຳປ່ັນໃຫຍ່ຂອງເຂດແຄມທະເລທາງ
ທິດໃຕ້ພາກກາງ ແລະ ເຂດໄຕງວຽນ. ກ່ຽວກັບໜ້າທີ່ການພັດທະນາກະສິກຳ, ທ່ານປະທານປະເທດ ເຈີ່ນດ້າຍກວາງ ຮຽກຮ້ອງແຂວງ ຟຸ໋ອຽນ ຄວນສົ່ງເສີມໜູນໃຊ້ບັນດາຄວາມກ້າວໜ້າດ້ານວິທະຍາສາດ - ເຕັກໂນໂລຢີ ເພື່ອແນໃສ່ຍົກສູງສະມັດຕະພາບ, ຄຸນນະພາບດ້ານກະສິກຳ - ປ່າໄມ້ - ສິນໃນນ້ຳ.