ທ່ານຮອງນາຍົກລັດຖະມົນຕີຫງວຽນຊວນຟຸກກ່າວຄຳເຫັນທີ່ການເຮັດວຽກ
(ພາບ : TTXVN))
(vovworld)- ໃນການເຮັດວຽກກັບການນຳກະຊວງແຮງງານ, ທະຫານເສຍອົງຄະ ແລະ ສັງຄົມຫວຽດນາມ ເມືອຕອນເຊົ້າວັນທີ 6/3, ທ່ານຮອງນາຍົກລັດ ຖະມົນຕີຫງວຽນຊວນຟຸກ, ຫົວໜ້າຄະນະຊີ້ນຳເຂດໄຕບັກ (ໝາຍເຖິງເຂດຕາເວັນຕົກສ່ຽງເໜືອ) ໄດ້ສະເໜີໃຫ້ກະຊວງແຮງງານ, ທະຫານເສຍອົງຄະ ແລະ ສັງຄົມຫວຽດນາມ ແລະ ບັນດາກະຊວງ ຂະແໜງການທີ່ກ່ຽວຂ້ອງຕ້ອງສົມທົບກັບ ຄະນະຊີ້ນຳເຂດໄຕບັກ ຢ່າງແໜ້ນແຟ້ນກ່ວາອີກ ເພື່ອຊອກຫາບັນດາມາດຕະການ ພັດທະນາເສດຖະກິດສັງຄົມທີ່ມີປະສິດທິຜົນ, ສຸມໃສ່ການລົບລ້າງຄວາມອຶດຫິວ ຫລຸດຜ່ອນຄວາມທຸກຍາກ, ສອນວິຊາຊີບ, ສ້າງວຽກເຮັດງານທຳ, ສົ່ງຄົນງານໄປເຮັດວຽກຢູ່ຕ່າງປະເທດ:
“ກ່ອນອື່ນໝົດ, ຄວາມຮັບຜິດຊອບໃນວຽກງານລົບລ້າງຄວາມອຶດຫິວ ຫລຸດ ຜ່ອນຄວາມທຸກຍາກ ແມ່ນຂຶ້ນກັບທ້ອງຖິ່ນ. ສະນັ້ນ, ແຕ່ລະຕາແສງ, ເມືອງຕ້ອງກວດກາຄືນສະພາບຄວາມທຸກຍາກ. ສຳລັບຂະແໜງແຮງງານ, ທະຫານເສຍອົງຄະ ແລະ ສັງຄົມແລ້ວ, ຕ້ອງສຸມໃສ່ບັນດາຕາແສງ, ເມືອງເຂດພູດອຍ. ຕ້ອງມີມາດຕະການເພື່ອຫລຸດຜ່ອນຄວາມຜິດໂຕນດ້ານລາຍຮັບ, ຍົກສູງຊີວິດການເປັນຢູ່ຂອງ ປຊຊ ໃນບໍລິເວນ. ກະຊວງແຮງງານ, ທະຫານເສຍອົງຄະ ແລະ ສັງຄົມຕ້ອງເປັນເຈົ້າພາບໃນການຮ່ວມມືກັບບັນດາກະຊວງ, ຂະແໜງການທີ່ກ່ຽວຂ້ອງ ແລະ ຄະນະຊີ້ນຳເຂດໄຕບັກ ກວດກາຄືນນະໂຍບາຍເພື່ອແນະນຳການຜັນຂະຫຍາຍ ແລະ ດຳເນີນການຕິດຕາມກວດກາ“./.