ຜົນສະທ້ອນຈາກພາຍຸ wutip
ພາບ:internet
|
(vovworld)- ແຂວງ ກວ໋າງບີງ, ກວ໋າງຈີ້ ຊື່ງແມ່ນສອງແຂວງຖືກຜົນເສຍຫາຍກ່ຽວກັບຊີວິດອີນຊີ ແລະ ຊັບສີນຫລາຍກວ່າໝູ່ຈາກພາຍຸ wutip ເກີດຂຶ້ນຫວ່າງແລ້ວນີ້. ໄລ່ມາຮອດປະຈຸບັນ, ຢູ່ແຂວງ ກວ໋າງບີງ ມີ 5 ຄົນຖືກເສຍຊີວິດ, 2 ຄົນຫາຍສາບສູນ, 140 ຄົນຖືກບາດເຈັບ, ເຮືອນຊານກວ່າ 156.000 ຫລັງຖືກພັງຖະຫລົ່ມ ແລະ ເລີກຫລັງຄາ, ໂຮງຮຽນ 460 ຫລັງເປເພ, ກຳປັ່ນກວ່າ 100 ລຳກໍຖືກຈົມນຳ້ ແລະ ເປເພ. ປະຈຸບັນ ບັນດາກຳລັງປ້ອງກັນຄວາມສະຫງົບ, ປ້ອງກັນຊາດ ແລະ ບັນດາຄະນະ, ຂະແຫນງການຢູ່ທ້ອງຖິ່ນ ພວມພ້ອມກັບປະຊາຊົນແກ້ໄຂຜົນຮ້າຍຢ່ອນຫລັງຈາກພາຍຸ. ພົນຈັດຕະວາ ຕືຮົ່ງເຊີນ, ຫົວຫນ້າຕຳຫລວດແຂວງ, ຮອງຫົວຫນ້າຄະນະປ້ອງກັນ ແລະ ຕ້ານພາຍຸນ້ຳຖ້ວມແຂວງ ກວ໋າງບີງ ໃຫ້ຮູ້ວ່າ:
“ພວກຂ້າພະເຈົ້າພວມສົມທົບກັບຂະແຫນງຄົມມະນາຄົມຂົນສົ່ງແກ້ໄຂສະພາບຕິດຂັດຢູ່ເສັ້ນທາງຫລວງ 1 A ແລະ ເສັ້ນທາງໂຮ່ຈິມີນ. ທີສອງ ຮັບປະກັນຄວາມເປັນລະບຽບຮຽບຮ້ອຍ ບໍ່ປະໃຫ້ບຸກຄົນບໍ່ດີສວຍໂອກາດເພື່ອລັກເອົາຊັບສິນ. ທີສາມ ເພີ່ມທະວີວຽກງານກຳແຫນ້ນສະພາບການ, ສົ່ງພະນັກງານ ນັກຮົບລົງທ້ອງຖິ່ນທີ່ຖືກເຄາະຮ້າຍຈາກພາຍຸເພື່ອສົມທົບກັບກຳລັງທະຫານປ້ອງກັນຊາຍແດນ, ຊາວຫນຸ່ມ, ແມ່ຍິງ ຊ່ວຍປະຊາຊົນແກ້ໄຂຜົນຮ້າຍຢ່ອນຫລັງຈາກພາຍຸ.”