( vovworld ) – ໃນຕອນເຊົ້າຂອງວັນທີ 29/5, ບັນດາສະມາຊິກສະພາແຫ່ງຊາດ (ສສຊ) ໄດ້ປຶກສາຢູ່ຫໍປະຊຸມກ່ຽວກັບຮ່າງກົດໝາຍວ່າດ້ວຍການຊັນນະສູດທາງຕຸລາການ. ສສຊ ສ່ວນຫຼາຍໄດ້ເຫັນດີກັບເນື້ອໃນຂອງຮ່າງກົດໝາຍຄື: ຕ້ອງປ່ຽນແປງນະໂຍບາຍຈຳນວນ 1 ເພື່ອສຳເລັດລະບຽບການຊັນນະສູດທາງຕຸລາການ, ຮັບໃຊ້ໃຫ້ແກ່ການເຄື່ອນໄຫວດຳເນີນຄະດີ ແລະ ນຳມາເຊີ່ງຜົນປະໂຫຍດຫຼາຍຢ່າງໃຫ້ແກ່ລັດ, ສ່ວນບຸກຄົນ, ອົງການຈັດຕັ້ງເຂົ້າຮ່ວມການເຄື່ອນໄຫວດຳເນີນຄະດີແຜ່ງ, ດຳເນີນຄະດີທາງບໍລິຫານ.
ຕາມຄຳເຫັນຂອງ ສສຊ ຫຼາຍທ່ານແລ້ວ, ເລື່ອງປະກາດໃຊ້ກົດໝາຍວ່າດ້ວຍການຊັນນະສູດທາງຕຸລາການແມ່ນຈຳເປັນ, ເພື່ອແນໃສ່ສ້າງພື້ນຖານດ້ານກົດໝາຍອັນໝັ້ນຄົງ ເພື່ອຍົກສູງຄຸນນະພາບ, ປະສິດທິຜົນຂອງການເຄື່ອນໄຫວຊັນນະສູດທາງຕຸລາການ, ຕອບສະໜອງຄວາມຮຽກຮ້ອງຕ້ອງການທີ່ນັບມື້ນັບສູງຂອງການເຄື່ອນໄຫວດຳເນີນຄະດີ ແລະ ຄວາມຕ້ອງການຂອງສັງຄົມ. ແຕ່ເຖິງຢ່າງໃດກໍ່ຕາມ, ຈຸດໃໝ່ຂອງຮ່າງກົດໝາຍສະບັບນີ້ ໄດ້ຮັບຫຼາຍຄຳເຫັນທີ່ແຕກຕ່າງກັນ, ນັ້ນແມ່ນບັນຫາຫັນການເຄື່ອນໄຫວຊັນນະສູດທາງຕຸລາການເປັນວຽກງານຂອງສັງຄົມ. ທ່ານ Tran Van Tan ສສຊ ແຂວງ Tien Giang ມີຄຳເຫັນດັ່ງນີ້: “ຂ້າພະເຈົ້າສະເໜີວ່າ, ໃນໄລຍະປະຈຸບັນ, ການປະຕິບັດການຫັນການເຄື່ອນໄຫວຊັນນະສຸດທາງຕຸລາການເປັນວຽກງານຂອງສັງຄົມຄວນມີການກຳນົດຂອບເຂດ, ບໍ່ຄວນເປີດກ້ວາງ ບົນພື້ນຖານສະຫຼຸບພຶດຕິກຳຕົວຈິງ, ຮັບປະກັນລັກສະນະສາມາດເປັນໄປໄດ້ ເມື່ອກົດໝາຍໄດ້ຮັບການຮັບຮອງເອົາ. ສະນັ້ນ ຂ້າພະເຈົ້າເຫັນດີເປັນເອກະສັນກັບຂໍ້ກຳນົດແມ່ນ ອົງການການເຄື່ອນໄຫວຊັນນະສູດທາງຕຸລາການນອກລັດ ພຽງແຕ່ນຳໃຊ້ໃນບັນດາຂົງເຂດການເງິນ, ທະນາຄານ, ກໍ່ສ້າງ, ວັດຖຸບູຮານ, ລິຂະສິດເທົ່ານັ້ນ. ສ່ວນບັນດາຂົງເຂດອື່ນ, ການເຄື່ອນໄຫວຊັນນະສູດທາງຕຸລາການ ໂດຍອົງການສ່ວນບຸກຄົນຊັນນະສູດຕາມເຫດການ“.
ຕອນບ່າຍວັນທີ 29/5, ພາຍຫຼັງທີ່ຄະນະປະຈຳສະພາແຫ່ງຊາດສະເໜີບົດລາຍງານອະທິບາຍ, ຮັບຟັງ, ດັດແກ້ຮ່າງກົດໝາຍວ່າດ້ວຍການເຜີຍແຜ່, ສຶກສາອົບຮົມດ້ານກົດໝາຍ, ບັນດາ ສສຊ ໄດ້ປຶກສາກ່ຽວກັບບາງເນື້ອໃນທີ່ຍັງມີຄຳເຫັນແຕກຕ່າງກັນຂອງຮ່າງກົດໝາຍ. ບັນດາ ສສຊ ຖືວ່າ: ຮ່າງກົດໝາຍດັ່ງກ່າວ ຕ້ອງມີຂໍ້ກຳນົດການປັບໃໝລົງໂທດສຳລັບການກະທຳໂຄສະນາກົດໝາຍໄປຝືນກັບເນື້ອໃນຈິດໃຈຂອງກົດໝາຍ. ທ່ານ Pham Duc Chau ສສຊ ແຂວງ Quang Tri ຖືວ່າ ເລື່ອງໂຄສະນາເຜີຍແຜ່ ສຶກສາອົບຮົມກົດໝາຍ ໃຫ້ແກ່ບັນດາເປົ້າໝາຍສັງຄົມ ຕ້ອງມີຮູບການໂຄສະນາທີ່ເໝາະສົມ ແລະ ມີປະສິດທິຜົນ, ສະນັ້ນ, ຕ້ອງວາງອອກລັກສະນະເຜີຍແຜ່ຂອງກົດໝາຍ ບົນພື້ນຖານທຸກໆເປົ້າໝາຍຕ້ອງໄດ້ຮັບຮູ້ກົດໝາຍຢ່າງສະເໝີພາບ. ສສຊ Pham Duc Chau ສະເໜີວ່າ: ໃນຮ່າງກົດໝາຍຄວນກຳນົດບັນດາອົງການມີໜ້າທີ່ຮັບຜິດຊອບອີງຕາມແຕ່ລະເຂດພາກ, ແຕ່ລະເປົ້າໝາຍແຕກຕ່າງກັນ ເພື່ອສາມາດດຳເນີນການໂຄສະນາກົດໝາຍໃຫ້ເໝາະສົມ.