(vovworld) – ເປັນປົກກະຕິແລ້ວ, ວັນທີ 10 ເດືອນຈຽງ (ໄລ່ຕາມຈັນທະປະຕິທິນ) ແຕ່ລະປີ, ນັກທ່ອງທ່ຽວນັບໝື່ນຄົນໄດ້ເຕົ້າໂຮມກັນຢູ່ເມືອງ ບາເບ໋, ແຂວງ ບັກກ້ານ ເພື່ອພ້ອມກັນເຂົ້າຮ່ວມງານບຸນລະດູບານໃໝ່ ບາເບ໋, ເຊິ່ງແມ່ນງານບຸນໃຫຍ່ສຸດໃນປີຂອງແຂວງ ບັກກ້ານ. ງານບຸນລະດູບານໃໝ່ ບາເບ໋ ປີນີ້ ມີຫຼາຍຈຸດໃໝ່ຄືງານບຸນລົງໄຮ່ໄຖນາ, ງານປະກວດຄົນງາມ.... ເຮັດໃຫ້ງານບຸນຍິ່ງມີຊີວິດຊີວາ. ພາກພິທີ ແລະ ພາກງານບຸນໄດ້ຮັບການຈັດຕັ້ງຢ່າງກະທັດລັດ ແລະ ເຂັ້ມຂົ້ນໄປດ້ວຍສີສັນວັດທະນະທຳຂອງປະຊາຊົນບັນດາເຜົ່າແຂວງ ບັກກ້ານ. ປີນີ້, ພິທີລົງໄຮ່ໄຖນາໄດ້ນຳເຂົາງານບຸນລະດູບານໃໝ່ເພື່ອຂໍໃຫ້ດິນຟ້າອາກາດເອື້ອອຳນວຍຄວາມສະດວກ, ລະດູການໄດ້ຮັບຜົນດີ, ທຸກຄົນອີ່ມໜຳສຳລານ ແລະ ມີຄວາມຜາສຸກ. ພາຍຫຼັງພາກພິທີ, ປະຊາຊົນ ແລະ ນັກທ່ອງທ່ຽວນັບໝື່ນຄົນໄດ້ມາຢາມເຂດປະດັບປະດາຢ່າງງາມຕາ ຂອງບັນດາຫົວໜ່ວຍໃນເມືອງເພື່ອຊື້ເຄື່ອງຂອງທີ່ລະນຶກຂອງທ້ອງຖີ່ນ ຫຼື ເຈືອຈານເຂົ້າກັບບັນດາການລະຫຼີ້ນພື້ນເມືອງ.