(vovworld) - ວັນທີ 18/01, ຢູ່ສູນກອງປະຊຸມແຂວງອຽນບ໋າຍ, ສະມາຄົມນັກຂ່າວອຽນບ໋າຍ, ພະແນກຖະແຫຼງຂ່າວ ແລະ ສື່ມສານສົມທົບກັບພະແນກວັດທະນະທຳ, ກິລາ ແລະ ທ່ອງທ່ຽວອຽນບ໋າຍ ໄດ້ຈັດງານບຸນສື່ມວນຊົນລະດູບານໃໝ່ປີລະກາ 2017. ດ້ວຍຫົວຂໍ້ວ່າ “ຊົມເຊີຍປະເທດຊາດ, ບ້ານເກີດເມືອງນອນແຫ່ງການປ່ຽນໃໝ່, ຊົມເຊີຍພັກທີ່ສະຫງ່າລາສີ, ຊົມເຊີຍປີໃໝ່ປີລະກາ 2017”, ບັນດາສື່ສິ່ງພິມສະບັບປີໃໝ່ ໄດ້ສ່ອງແສງບັນດາຜົນງານຂອງທ້ອງຖິ່ນ, ຂອງປະເທດຊາດໃນທຸກຂົງເຂດຄື: ການເມືອງ, ເສດຖະກິດ, ວັດທະນະທຳ, ການປ້ອງກັນຊາດປ້ອງກັນຄວາມສະຫງົບ… ປີ 2016; ບັນຍາກາດຕ້ອນຮັບບຸນປີໃໝ່ ແລະ ບັນດາຄວາມຫວັງຕໍ່ໜ້າປີໃໝ່ 2017. ງານບຸນສື່ມວນຊົນປີໃໝ່ປີລະກາ 2017 ດຳເນີນຮອດວັນທີ 21/01 ຈຶ່ງຈະອັດລົງ.
ວັນທີ 18/01, ຢູ່ຫໍສະໝຸດແຂວງກວາງນິງ, ສະມາຄົມນັກຂ່າວແຂວງກວາງນິງ ໄດ້ສົມທົບກັບຫໍສະໝຸດກວາງນິງ ຈັດຕັ້ງພິທີໄຂງານບຸນສື່ມວນຊົນປີໃໝ່ປີລະກາ 2017. ບັນດາສື່ສິ່ງພິມຢູ່ທີ່ນີ້ໄດ້ສຸມໃສ່ສ່ອງແສງຊີວິດສັງຄົມຢ່າງຮອບດ້ານ, ການພັດທະນາເສດຖະກິດ, ສັງຄົມຂອງແຂວງກວາງນິງ ແລະ ທົ່ວປະເທດໃນປີ 2016. ງານບຸນສື່ມວນຊົນປີໃໝ່ປີລະກາ 2017 ແຂວງກວາງນິງ ຈະດຳເນີນຮອດວັນທີ 01/02 ຈຶ່ງຈະອັດລົງ.