ສະຖານທູດ ຫວຽດນາມ ປະຈຳ ອິດສະຣາແອັນ ສືບຕໍ່ຍົກອອກການແຈ້ງເຕືອນສຳລັບປະຊາຊົນ ຫວຽດນາມ
(VOVWORLD) - ຕໍ່ໜ້າຄວາມສ່ຽງຂອງການປະທະກັນທີ່ນັບມື້ນັບມີການຜັນແປຢ່າງສັບສົນ ພາຍຫຼັງບັນດານາຍທະຫານຂັ້ນສູງຂອງກຳລັງ ຮາມາດສ ແລະ ເຮໂບລາ ເສຍຊີວິດ ພ້ອມທັງການກໍ່ການຮ້າຍທີ່ເກີດຂຶ້ນໃນວັນທີ 4 ສິງຫາ ນັ້ນ, ໃນວັນດຽວກັນ, ສະຖານທູດ ຫວຽດນາມ ປະຈຳ ອິດສະຣາແອັນ ກໍ່ໄດ້ອອກການແຈ້ງເຕືອນສຳລັບປະຊາຄົມຊາວ ຫວຽດນາມ ພວມດຳລົງຊີວິດ, ຮ່ຳຮຽນ ແລະ ເຮັດວຽກຢູ່ປະເທດປະຈຳຖິ່ນ ຍົກສູງສະຕິລະວັງຕົວ.
ເພື່ອຮັບປະກັນຄວາມປອດໄພຢ່າງເດັດຂາດ, ສະຖານທູດ ຫວຽດນາມ ປະຈຳ ອິດສະຣາແອັນ ໄດ້ແຈ້ງເຕືອນປະຊາຄົມຊາວ ຫວຽດນາມ ໃຫ້ຕິດຕາມ, ອັບເດດສະຖານະການເປັນປະຈຳໃນສື່ພາຫະນະສື່ມວນຊົນທີ່ມີຄວາມໄວ້ວາງໃຈສູງ; ຈຳກັດການໄປ-ມາເຂດເຕົ້າໂຮມຫຼາຍຄົນ, ເຂດທີ່ບໍ່ຮັບປະກັນຄວາມສະຫງົບ, ປອດໄພ, ເຂດທີ່ມີຄວາມສ່ຽງເກີດການບຸກໂຈມຕີຂອງບັນດາກຳລັງດັ່ງກ່າວເຂົ້າ ອິດສະຣາແອັນ. ພ້ອມດຽວກັນນັ້ນ, ກໍ່ປະຕິບັດບັນດາຂໍ້ກຳນົດ ແລະ ແນະນຳກ່ຽວກັບມາດຕະການປ້ອງກັນຄວາມສະຫງົບ, ປອດໄພຂອງອຳນາດການປົກຄອງປະເທດປະຈຳຖິ່ນຢ່າງເຂັ້ມງວດ.