ສະຖານທູດຫວຽດນາມ ປະຈຳອີຢີບ ພົບປະ ສ້າງສັນປະຊາຄົມ ຊາວຫວຽດນາມ ໃນໂອກາດບຸນເຕັດ
ສະຖານທູດຫວຽດນາມ ປະຈຳອີຢີບ ພົບປະສ້າງສັນ
ປະຊາຄົມຊາວຫວຽດນາມ ໃນໂອກາດບຸນເຕັດ
(vovworld) - ທີ່ງານ ພົບປະສ້າງສັນກັບປະຊາຄົມຊາວຫວຽດນາມ ອາໄສຢູ່ນະຄອນຫຼວງຄາຍໂຣ, ນະຄອນ ຮູກາດາ ແລະ ຊາດາດ, ພ້ອມກັບນັກສຶກສາຫວຽດນາມ ພວມຮຳ່ຮຽນຢູ່ອີຢີບ, ເຊິ່ງດຳເນີນໃນຕອນຄຳ່ວັນທີ 18/1. ທ່ານ ດ່າວແທ່ງຈູງ ເອກອັກຄະລັດຖະທູດຫວຽດນາມ ປະຈຳອີຢີບ ໄດ້ຍ້ອງຍໍສັນລະເສີນການປະກອບສ່ວນຂອງຊາວຫວຽດນາມ ອາໄສຢູ່ອີຢີບ ກໍ່ຄືຢູ່ໃນໂລກ ເຂົ້າໃນພາລະກິດພັດທະນາປະເທດຊາດ. ໃນໂອກາດນີ້, ທ່ານເອກອັກຄະລັດຖະທູດ ດ່າວແທ່ງຈູງ ໄດ້ຢືນຢັນຄືນນະໂຍບາຍສະເໝີຕົ້ນສະເໝີປາຍຂອງພັກ ແລະ ລັດ, ຍາມໃດກໍ່ຖືຊາວຫວຽດນາມ ອາໄສຢູ່ຕ່າງປະເທດເປັນພາກສ່ວນໜຶ່ງທີ່ບໍ່ອາດຕັດແຍກອອກຈາກປະຊາຄົມບັນດາເຜົ່າຫວຽດນາມ ໄດ້ ແລະ ຍາມໃດກໍ່ຕີລາຄາສູງອາລົມຈິດ, ຄວາມມານະພະຍາຍາມຂອງຊາວຫວຽດນາມ ອາໄສຢູ່ຕ່າງປະເທດທີ່ໄດ້ອ່ວາຍເມືອຫາປະເທດຊາດ, ສະແດງໃຫ້ເຫັນມູນເຊື້ອອັນດີງາມຂອງຊາດຫວຽດນາມ, ພ້ອມກັນສ້າງສາປະເທດໃຫ້ນັບມື້ນັບຈະເລີນຮຸ່ມເຮືອງ. ທ່ານເອກອັກຄະລັດຖະທູດ ດ່າວແທ່ງຈູງ ສະແດງຄວາມຫວັງວ່າ, ປີ 2014, ດ້ວຍຄວາມຕັດສິນໃຈຂອງແຕ່ລະຄົນ, ບັນດາພະນັກງານ, ພາລະກອນຫວຽດນາມ ຈະພ້ອມກັນຜັນຂະຫຍາຍການເຄື່ອນໄຫວຕ່າງໆຢ່າງແທດຈິງ, ປະກອບສ່ວນປັບປຸງ ແລະ ເພີ່ມທະວີສາຍພົວພັນມິດຕະພາບ, ແລະ ການຮ່ວມມືລະຫວ່າງສອງປະເທດ.