(ພາບ: Mỹ Dung)
|
(vovworld) – ໂດຍໄດ້ຮັບການຈັດຕັ້ງແຕ່ວັນທີ 25 – 31/1/2016, ຖະໜົນໜັງສືພິມສະບັບບຸນເຕັດປີວອກ 2016 ກາຍເປັນຈຸດນັດພົບທີ່ມີຕໍ່ປະຊາຊົນນະຄອນ ໂຮ່ຈີມິນ ເປັນຈຳນວນຫຼວງຫຼາຍໃນໂອກາດບຸນເຕັດນີ້. ໂດຍນອນໃນເຂດໃຈກາງຖະໜົນປື້ມນະຄອນ ໂຮ່ຈີມິນ, ຖະໜົນໜັງສືພິມສະບັບບຸນເຕັດປີ 2016 ໄດ້ຮັບການປະດັບປະດາຢ່າງສວຍງາມ, ມີວິທະຍາສາດດ້ວຍ 150 ໜັງສືພິມ, ວາລະສານຂອງສູນກາງ ແລະ ນະຄອນ. ທ່ານ ຫງວຽນແທງເຕີມ, ນິຍົມອ່ານປື້ມ, ໜັງສືພິມ ແລະ ພິເສດແມ່ນມັກສະສົມໜັງສືພິມສະບັບບຸນເຕັດແຕ່ຫຼາຍປີມານີ້, ໃນໂອກາດໃກ້ຈະຮອດບຸນເຕັດ, ທ່ານພ້ອມກັບພັນລະຍາ ໄດ້ສະຫງວນເວລາເພື່ອໄປຢ້ຽມຢາມຖະໜົນໜັງສືພິມສະບັບບຸນເຕັດ:
“ປີໃດຂ້າພະເຈົ້າກໍໄປຢ້ຽມຢາມເຖິງບັນດາຖະໜົນໜັງສືພິມສະບັບບຸນເຕັດ ເພື່ອຊອກຮູ້ໜັງສືພິມສະບັບບຸນເຕັດປີນີ້ແມ່ນຄືແນວໃດ, ເຂົາເຈົ້າຂຽນກ່ຽວກັບຫົວຂໍ້ຫຍັງ. ຂ້າພະເຈົ້າເຫັນວ່າ, ໜັງສືພິມສະບັບບຸນເຕັດປີນີ້ຂອງນະຄອນອຸດົມສົມບູນ, ມີສີສັນຫຼາກຫຼາຍກ່ວາ ແລະ ຂ່າວ, ບົດຂຽນກໍມ່ວນກ່ວາ.”
ສ່ວນເພື່ອນ ຟານງອກຮືງ, ນັກສຶກສາມະຫາວິທະຍາໄລສາກົນ, ໃຫ້ຮູ້ວ່າ:
“ປີນີ້ຖະໜົນໜັງສືພິມສະບັບບຸນເຕັດໄດ້ຈັດຕັ້ງສະເພາະ, ບໍ່ໄດ້ຈັດຕັ້ງລວມກັບຖະໜົນດອກໄມ້ ແລະ ຈັດຕັ້ງກ່ອນບຸນເຕັດຫຼາຍວັນ ດັ່ງນັ້ນຈະແມ່ນກາລະໂອກາດທີ່ດີເພື່ອໃຫ້ທຸກຄົນຊອກຫາບັນດາສື່ສິ່ງພິມທີ່ຕົນນິຍົມ. ນ້ອງເຫັນວ່າໜ້າປົກຂອງໜັງສືພິມສະບັບບຸນເຕັດໄດ້ຮັບການອອກແບບນັບມື້ນັບສວຍງາມກ່ວາ ແລະ ໄດ້ວາງສະແດງກັບບັນດາຮ້າຍຂາຍປື້ມ, ສະໜອງຄວາມຮູ້ທີ່ອຸດົມສົມບູນປະກອບສ່ວນຊຸກຍູ້ຄວາມຕ້ອງການອ່ານຂອງປະຊາຊົນນະຄອນ.”