ສະຖານີວິທະຍຸກະຈາຍສຽງຫວຽດນາມພົບປະກັບບັນດາພະນັກງານສະຖານີວິທະຍຸກະຈາຍສຽງປົດປ່ອຍລຸ້ນຕ່າງໆ
ທ່ານ ຫງວຽນເທ໋ກີ, ຜູ້ອຳນວຍການໃຫຍ່ວິທະຍຸກະຈາຍສຽງຫວຽດນາມ
(ພາບປະກອບ)
|
(vovworld) – ຕອນເຊົ້າວັນທີ 28/4, ທີ່ສູນວິທະຍຸກະຈາຍສຽງແຫ່ງຊາດຫວຽດນາມ ເຮືອນເລກທີ 58 ຖະໜົນກວ໋ານສື໋, ການນຳວິທະຍຸກະຈາຍສຽງຫວຽດນາມ ໄດ້ພົບປະກັບບັນດາພະນັກງານ, ພາລະກອນລຸ້ນຕ່າງໆ ທີ່ເຄີຍປະຕິບັດງານຢູ່ສະຖານີວິທະຍຸກະຈາຍສຽງປົດປ່ອຍ ເນື່ອງໃນໂອກາດສະເຫຼີມສະຫຼອງ 42 ປີແຫ່ງວັນປົດປ່ອຍພາກໃຕ້ ແລະ 55 ປີ ແຫ່ງວັນສ້າງຕັ້ງສະຖານີວິທະຍຸກະຈາຍສຽງປົດປ່ອຍ. ກ່າວຄຳເຫັນທີ່ການພົບປະ, ທ່ານ ຫງວຽນເທ໋ກີ, ຜູ້ອຳນວຍການໃຫຍ່ວິທະຍຸກະຈາຍສຽງຫວຽດນາມ ໄດ້ສະແດງຄວາມຮູ້ບຸນຄຸນເຖິງບັນດາການປະກອບສ່ວນອັນໃຫຍ່ຫຼວງຂອງບັນດາພະນັກງານ, ບັນດານັກສິລະປິນ, ນັກຂ່າວ, ນັກບັນນາທິການວິທະຍຸກະຈາຍສຽງປົດປ່ອຍລຸ້ນຕ່າງໆ
“ ເຊິ່ງແມ່ນຄົນລຸ້ນຫຼັງ, ບັນດາເລື່ອງລາວຂອງ ລຸງປ້າທີ່ໄດ້ເລົ່າໃຫ້ຟັງໃນມື້ນີ້ ພວກຂ້າພະເຈົ້າມີຄວາມຕື້ນຕັນໃຈ ແລະ ຮູ້ບຸນຄຸນທີ່ສຸດ ຕໍ່ບັນດາການປະກອບສ່ວນຂອງ ລຸງປ້າທີ່ໄດ້ສະຫງວນຊີວິດໄວໜຸ່ມຂອງຕົນໃຫ້ແກ່ພາລະກິດກະຈາຍສຽງຂອງພວກເຮົາ ແລະ ໃນນັ້ນມີສ່ວນໜຶ່ງດີງາມທີ່ສຸດ, ມີຊື່ສຽງໂດ່ງດັງທີ່ສຸດ ນັ້ນແມ່ນວິທະຍຸກະຈາຍສຽງປົດປ່ອຍ. ຂ້າພະເຈົ້າຄິດວ່າ ຕົ້ນກຳເນີດຂອງວິທະຍຸປົດປ່ອຍຍັງຄົງມາຈາກວັນທີ 7/9, ມາຈາກວິທະຍຸກະຈາຍສຽງຫວຽດນາມ. ເພາະສະນັ້ນ ມູນເຊື້ອດັ່ງກ່າວນັ້ນ ພວກຂ້າພະເຈົ້າຈະເຄົາລົບ, ຖະນຸຖະໜອມ, ປົກປັກຮັກສາ ແລະ ເສີມຂະຫຍາຍ ເພື່ອໃຫ້ວິທະຍຸຂອງພວກເຮົາ, ໃຫ້ພາລະກິດກະຈາຍສຽງ, ໂທລະພາບຂອງພວກເຮົາສືບຕໍ່ພັດທະນາ”