(vovworld) - ນັກຂ່າວວິທະຍຸກະຈາຍສຽງຫວຽດນາມ ປະຈຳລາວໃຫ້ຂ່າວວ່າ: ທ່ານຮອງນາຍົກລັດຖະມົນຕີ ລາວ ອາຊາງ ລາວລີ ຫາກໍໃຫ້ການຕ້ອນຮັບຄະນະຜູ້ແທນສະພາກາແດງຫວຽດນາມ ໂດຍທ່ານ ເຈີນງອກຕັງ, ປະທານສະພາກາແດງຫວຽດນາມ ນຳໜ້າ ເຊິ່ງພວມຢ້ຽມຢາມ ລາວແຕ່ວັນທີ 27/2 ຫາ 5/3. ທ່ານຮອງນາຍົກລັດຖະມົນຕີ ລາວຖືວ່າ: ສະພາກາແດງລາວຄວນຄົ້ນຄ້ວາ, ນຳໃຊ້ ແລະ ສົມທົບ ບັນດາບົດຮຽນຂອງສະພາກາແດງຫວຽດນາມໃຫ້ດີກ່ວາອີກ, ພ້ອມກັນນັ້ນກໍຍ້ອງຍໍສັນລະເສີນສະພາກາແດງ 2 ປະເທດໄດ້ເປັນເຈົ້າການເພີ່ມທະວີການຮ່ວມມືໃນທຸກດ້ານ, ພິເສດແມ່ນບັນດາທ້ອງຖິ່ນມີເສັ້ນຊາຍແດງຮ່ວມລະຫວ່າງ 2 ປະເທດ. ທ່ານ ເຈີນງອກຕັງ, ປະທານສະພາກາແດງຫວຽດນາມ ໃຫ້ຮູ້ວ່າ: ສະພາກາແດງ 2 ປະເທດ ຈະດຳເນີນການເຈລະຈາແລກປ່ຽນບົດຮຽນປະຕິບັດວຽກງານຂອງສະພາກາແດງ, ກ່ຽວກັບບົດຮຽນກໍ່ສ້າງຈັດຕັ້ງສະພາກາແດງ, ບຳລຸງສ້າງ ແລະ ພັດທະນາແຫຼ່ງຊັບພະຍາກອນມະນຸດ, ຂົນຂວາຍການສ້າງກອງທຶນ, ເປັນເສນາທິການສະເໜີຕໍ່ພັກ, ລັດ ກ່ຽວກັບການເຄື່ອນໄຫວຂອງສະພາກາແດງໃຫ້ນັບມື້ນັບມີປະສິດທິຜົນ.
ເນື່ອງໃນໂອກາດການຢ້ຽມຢາມ ແລະ ເຮັດວຽກຄັ້ງນີ້, ສູນກາງສະພາກາແດງຫວຽດນາມ ໄດ້ມອບເງິນ 100.000 USD ໃຫ້ແກ່ສະພາກາແດງລາວ ເພື່ອຜັນຂະຫຍາຍແຜນຮ່າງ “ທະນາຄານງົວ” ຢູ່ທ້ອງຖິ່ນຈຳນວນໜຶ່ງຂອງລາວ ທີ່ມີຊາຍແດງຮ່ວມກັບຫວຽດນາມ.