ກຳລັງນັກສັງເກດການຂອງສະຫະປະຊາຊາດຢູ່ເຂດພູພຽງ Golan (ພາບ: AP)

        ກ່າວຄຳເຫັນທີ່ກອງປະຊຸມ, ທ່ານເອກອັກຄະລັດຖະທູດ ຟ້າມຫາຍແອງ, ຮອງຫົວໜ້າຄະນະຜູ້ຕາງໜ້າ ຫວຽດນາມ ປະຈຳສະຫະປະຊາຊາດ ໄດ້ຢັ້ງຢືນເຖິງທັດສະນະບໍ່ປ່ຽນແປງຂອງ ຫວຽດນາມ ກ່ຽວກັບເຂດພູພຽງ Golan, ແບ່ງປັນຄວາມວິຕົກກັງວົນກ່ຽວກັບບັນດາສິ່ງທ້າທາຍຄວາມໝັ້ນຄົງຢູ່ເຂດເຄື່ອນໄຫວຂອງກຳລັງນັກສັງເກດການຂອງສະຫະປະຊາຊາດຢູ່ເຂດພູພຽງ Golan, ໃນນັ້ນ ມີການລະເມີດຂໍ້ຕົກລົງຖອນກຳລັງ ແລະ ຄວາມສ່ຽງກ່ຽວກັບຄວາມໝັ້ນຄົງ, ຄວາມປອດໄພໃຫ້ແກ່ພາລະກອນສະຫະປະຊາຊາດ. ທ່ານເອກອັກຄະລັດຖະທູດ ຟ້າມຫາຍແອງ ໄດ້ຢັ້ງຢືນເຖິງການສະໜັບສະໜູນສຳລັບການເຄື່ອນໄຫວຂອງກຳລັງນັກສັງເກດການຂອງສະຫະປະຊາຊາດຢູ່ເຂດພູພຽງ Golan, ຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງ ຈົ່ງປະຕິບັດຂໍ້ຕົກລົງທີ່ບັນລຸໄດ້, ກົດໝາຍສາກົນ, ມະຕິຕ່າງໆຂອງສະພາຄວາມໝັ້ນຄົງ ແລະ ໃຫ້ການຮ່ວມມື, ສ້າງເງື່ອນໄຂໃຫ້ແກ່ກຳລັງນັກສັງເກດການຂອງສະຫະປະຊາຊາດຢູ່ເຂດພູພຽງ Golan ປະຕິບັດໜ້າທີ່.