ສະພາຄວາມໝັ້ນຄົງ ສປຊໄດ້ອອກຖະແຫລງການ
ກ່າວປະນາມເຫດຍິງລູກສອນໄຟຫວ່າງແລ້ວນີ້ຂອງ ສປປ ເກົາຫລີ
|
(vovworld)- ຕອນເຊົ້າວັນທີ 8/3 ຕາມເວລາຫວຽດນາມ, ສະພາຄວາມໝັ້ນຄົງ ສປຊ ໄດ້ອອກຖະແຫລງການກ່າວປະນາມເຫດຍິງລູກສອນໄຟຫວ່າງແລ້ວນີ້ຂອງ ສປປ ເກົາຫລີ. ຖະແຫລງການດັ່ງກ່າວໂດຍ ອາເມລິກາ ຮຽບຮຽງ ໄດ້ຮັບການຮັບຮອງເອົາໃນການປະຊຸມດ່ວນ ແລະ ໄດ້ຮັບການຮັບຮອງເອົາຈາກບັນດາປະເທດສະມາຊິກ ສະພາຄວາມໝັ້ນຄົງ ສປຊ, ໃນນັ້ນ ມີທັງຈີນ. ຖະແຫລງການດັ່ງກ່າວກໍໍ່ສະແດງຄວາມວິຕົກກັງວົນຕໍ່ບັນດາການກະທຳ “ກໍ່ ຄວາມ ຂາດສະຖຽນລະພາບນັບມື້ນັບເພີ່ມຂຶ້ນ” ຂອງ ພຽງຢາງ. ສະພາຄວາມໝັ້ນຄົງ ສປຊ ກໍກ່າວເຕືອນຈະນຳໃຊ້ບັນດາມາດຕະການຢ່າງແຮງກວ່າຕໍ່ ສປປ ເກົາຫລີ.
ກ່ອນຫນ້ານັ້ນ, ທ່ານເລຂາທິການໃຫຍ່ ສປຊ Antonio Guterres ໄດ້ກ່າວປະນາມການກະທຳ “ລະເມີດບັນດາມະຕິຂອງ ສະພາຄວາມໝັ້ນຄົງ ສປຊ, ທຳລາຍສັນຕິພາບ ແລະ ສະຖຽນລະພາບຢູ່ພາກພື້ນຢ່າງຮ້າຍແຮງ” ຂອງ ສປປ ເກົາຫລີ ພ້ອມທັງຮຽກຮ້ອງ ພຽງຢາງ ບໍ່ໄດ້ມີການກະທຳກໍ່ຄວາມເຄັ່ງຕຶງຕື່ມອີກ.”