(vovworld) – ວັນທີ 12/06, ສະພາຄວາມໝັ້ນຄົງສະຫະປະຊາຊາດ ໄດ້ຈັດການເຈລະຈາຮີບດ່ວນທີ່ມີລັກສະນະຮອບດ້ານຢູ່ອີຣັກ ແລະ ກ່າວປະນາມບັນດາການເຄື່ອນໄຫວ “ກໍ່ການຮ້າຍ”, ແຕ່ບໍ່ຊັ່ງຊາເຖິງການກະທຳຕ້ານບັນດາມືປືນທີ່ພວມບຸກເຂົ້າ ແບກແດດ.
ລັດເຊຍ ເປັນປະເທດປະທານໝູນວຽນຂອງສະພາຄວາມໝັ້ນຄົງໃຫ້ຮູ້ວ່າ ໃນກອງປະຊຸມລັບທີ່ແກ່ຍາວເປັນເວລາ 2 ຊົ່ວໂມງ, ສະມາຊິກສະພາຄວາມໝັ້ນຄົງ15 ທ່ານ ໄດ້ສະແດງການສະໜັບສະໜູນທີ່ມີຕໍ່ລັດຖະບານ ແລະ ປະຊາຊົນອີຣັກ ໃນການຕໍ່ສູ້ຕ້ານລັດທິກໍ່ການຮ້າຍ ແລະ ຮຽກຮ້ອງໃຫ້ການໂອ້ລົມສົນທະນາຢ່າງກວ້າງຂວາງ. ທ່ານເອກອັກຄະລັດຖະທູດລັດເຊຍ ປະຈຳສະຫະປະຊາຊາດ Vitaly Churkin ໃຫ້ຮູ້ວ່າ ບັນດາສະມາຊິກຂອງສະພາຄວາມໝັ້ນຄົງ ໄດ້ກະຕຸກຊຸກຍູ້ລັດຖະບານອີຣັກ ແລະ ປະຊາຄົມໂລກໜູນຊ່ວຍພະລະໜ້າທີ່ຂອງສະຫະປະຊາຊາດໃນເຂດດັ້ງກ່າວ, ພິເສດແມ່ນໃນການແກ້ໄຂວິກິດການມະນຸດສະທຳ.
ໃນຂະນະນັ້ນ ຢູ່ອີຣັກ, ບັນດາມືປືນໄດ້ຢືດຄອງເຂດຍຸດທະສາດ 2 ແຫ່ງຢູ່ແຂວງ Diyala, ທີ່ຫ່າງຈາກນະຄອນຫຼວງແບກແດດ ໄປທາງທິດຕາເວັນອອກສຽງເໜືອປະມານ 125 ກມ , ພາຍຫຼັງທີ່ບັນດາກຳລັງປ້ອງກັນຄວາມສະຫງົບຖອນອອກ.