ສະພາຄວາມໝັ້ນຄົງ ສປຊ ຈະຈັດກອງປະຊຸມລັບໃນຕົ້ນອາທິດໜ້າ ເມື່ອ ສປຊ ໃຫ້ຂໍ້ສັງເກດວ່າ ເຫດຍິງລູກສອນໄຟຄັ້ງລ້າສຸດຂອງ ສປປ.ເກົາຫຼີ ໄດ້ຊີ້ໃຫ້ເຫັນຄວາມຈຳເປັນຕ້ອງເຊື່ອມຕໍ່ການເຈລະຈາທາງການທູດ ກ່ຽວກັບການປອດນິວເຄຼຍ. ຕາມຂໍ້ສະເໜີຂອງ ອາເມລິກາ, ອັງກິດ, ຝລັ່ງ, ອຽກລັງ ແລະ ອານບານີ ແລ້ວ, ສະພາຄວາມໝັ້ນຄົງ ສປຊ ຄາດວ່າຈະໂຮມປະຊຸມໃນວັນທີ 10 ມັງກອນ ປຶກສາຫາລືກ່ຽວກັບເຫດຍິງລູກສອນໄຟຂອງ ສປປ.ເກົາຫຼີ ໃນວັນທີ 5 ມັງກອນ. ລັດຖະມົນຕີການຕ່າງປະເທດ ແລະ ລັດຖະມົນຕີກະຊວງປ້ອງກັນປະເທດ ຂອງ ອາເມລິກາ ແລະ ຍີ່ປຸ່ນ ຫາກໍດຳເນີນກອງປະຊຸມແບບທາງໄກ ເພື່ອປຶກສາຫາລືກ່ຽວກັບບັນດາມາດຕະການເພີ່ມທະວີການຮ່ວມມືໃນດ້ານຄວາມໝັ້ນຄົງ, ໃນນັ້ນ ມີໄພນາບຂູ່ກ່ຽວກັບລູກສອນໄຟຈາກ ສປປ.ເກົາຫຼີ.