ສະພາຄວາມໝັ້ນຄົງ ສປຊ ໂຮມປະຊຸມ ກ່ຽວກັບສະພາບການ ສປປ.ເກົາຫຼີ
(VOVWORLD) -ໃນວັນທີ 30 ກັນຍາ, ສະພາຄວາມໝັ້ນຄົງ ສປຊ ໄດ້ດຳເນີນວາລະປະຊຸມປຶກສາຫາລື ສະພາບການໃນແຫຼມເກົາຫຼີ ພາຍຫຼັງ ພຽງຢາງປະກາດທົດລອງລູກສອນໄຟໄວເໜືອສຽງ. ນີ້ແມ່ນກອງປະຊຸມລັບ ຕາມການສະເໜີຂອງ ອາເມລິກາ, ອັງກິດ ແລະ ຝລັ່ງ.
 ເຫດຍິງລູດສອນໄຟຄັ້ງຫຼ້າສຸດຂອງ ສປປ.ເກົາຫຼີ (ພາບ: KCNA.) |
ໃນເຫດການທີ່ກ່ຽວຂ້ອງ, ວັນທີ 30 ກັນຍາ, ສື່ມວນຊົນແຫ່ງລັດ ສປປ.ເກົາຫຼີໄດ້ລົງຂ່າວ ການນຳ Kim Jong-un ໄດ້ປະຕິເສດການສະເໜີເຈລະຈາຂອງ ອາເມລິກາ. ໜັງສືພິມ Rodong Sinmun ໂດຍແມ່ນອົງການກະບອກສຽງຂອງ ພັກແຮງງານສປປ.ເກົາຫຼີ ໄດ້ຄັດສະເໜີບົດກ່າວຄຳເຫັນຂອງການນຳ Kim Jong – un ຢູ່ວາລະປະຊຸມສະພາປະຊາຊົນສູງສຸດ (SPA - ໝາຍຄວາມວ່າສະພາແຫ່ງຊາດ), ເນັ້ນໜັກວ່າ ອຳນາດການປົກຄອງຂອງ ທ່ານປະທານາທິບໍດີ ອາເມລິກາ Joe Biden ບໍ່ປ່ຽນແປງນະໂຍບາຍຍາວນານຕໍ່ ພຽງຢາງ ແລະ ສະເໜີການເຈລະຈາທີ່ບໍ່ມີເງື່ອນໄຂຂອງ ອາເມລິກາ ບໍ່ມີລັກສະນະແທ້ຈິງ.