ສະພາຄວາມໝັ້ນຄົງ ສປຊ ໂຮມປະຊຸມປຶກສາຫາລືກ່ຽວກັບບັນຫານິວເຄຼຍ ອີຣານ
(VOVWORLD) - ວັນທີ 30 ມິຖຸນາ, ທ່ານ Antonio Guterres ເລຂາທິການໃຫຍ່ ສປຊ ໄດ້ຮຽກຮ້ອງໃຫ້ ອາເມລິກາ ຍົກເລີກ ຫຼື ຍົກເວັ້ນການປະຕິບັດບັນດາມາດຕະການລົງໂທດແນ່ໃສ່ ອີຣານ ເຊິ່ງໄດ້ເອກະພາບກັນໃນຂໍ້ຕົກລົງນິວເຄຼຍ ປີ 2015 ເພື່ອແນໃສ່ຄວບຄຸມໂຄງການນິວເຄຼຍ ຂອງ ເຕເຮຣານ.
 ທ່ານ Antonio Guterres ເລຂາທິການໃຫຍ່ ສປຊ (ພາບ: TTXVN) |
ນີ້ແມ່ນເນື້ອໃນຂອງບົດລາຍງານປະຈຳໄລຍະ 6 ເດືອນ ກ່ຽວກັບການຜັນຂະຫຍາຍມະຕິປີ 2015, ໃນນັ້ນ ລວມທັງຂໍ້ຕົກລົງນິວເຄຼຍ ລະຫວ່າງ ອີຣານ ກັບກຸ່ມ P5+1 (ອາເມລິກາ, ຝລັ່ງ, ອັງກິດ, ລັດເຊຍ, ຈີນ ແລະ ເຢຍລະມັນ) ເຊິ່ງທ່ານ Antonio Guterres ໄດ້ຍື່ນສະເໜີຕໍ່ ສະພາຄວາມໝັ້ນຄົງ ສປຊ ໃນກອງປະຊຸມທີ່ດຳເນີນໃນວັນດຽວກັນ. ການນຳ ສປຊ ກໍຮຽກຮ້ອງໃຫ້ ອີຣານ ຂະຫຍາຍບັນດາມາດຕະການຍົກເວັ້ນ ທີ່ກ່ຽວຂ້ອງເຖິງການເຄື່ອນໄຫວການຄ້າໃນຂົງເຂດນ້ຳມັນບໍ່ ກັບ ອີຣານ ແລະ ສືບຕໍ່ປະຕິບັດບັນດາມາດຕະການຍົກເວັ້ນສຳລັບບັນດາໂຄງການທີ່ບໍ່ກ່ຽວຂ້ອງເຖິງການພັດທະນານິວເຄຼຍ.