ລູກສອນໄຟຂອງ ສປປ ເກົາຫຼີ
(ພາບ: bbc.com)
|
(vovworld) – ວັນທີ 7/2, ສະພາຄວາມໝັ້ນຄົງ ສປຊ ໄດ້ຈັດຕັ້ງການປະຊຸມດ່ວນເພື່ອປຶກສາຫາລື ກ່ຽວກັບເຫດການທົດລອງຍິງລູກສອນໄຟໄລຍະໄກສົ່ງດາວທຽມຂອງ ສປປ. ເກົາຫຼີ. ເມື່ອສິ້ນສຸດການປະຊຸມລັບ, ສະພາຄວາມໝັ້ນຄົງ ສປຊ ໄດ້ອອກຖະແຫຼງການກ່າວປະນາມການກະທຳນີ້ຂອງ ພຽງຢາງ, ພ້ອມທັງປະກາດຈະແຈ້ງໃຫ້ຊາບໃຊ້ມະຕິໃໝ່ເພື່ອໂຕ້ຕອບ “ບັນດາການກະທຳລະເມີດອັນຕະລາຍ” ນີ້ໂດຍໄວ. ເຖິງຢ່າງໃດກໍຕາມ, ສະພາຄວາມໝັ້ນຄົງ ສປຊ ກໍສະແດງຄຳຕັດສິນໃຈສືບຕໍ່ຊອກຫາມາດຕະການສັນຕິພາບ, ການທູດ ແລະ ການເມືອງເພື່ອຊຸກຍູ້ວິວັດການປອດນິວເຄຼຍໃນແຫຼມ ເກົາຫຼີ. ກອງປະຊຸມດ່ວນຂອງ ສະພາຄວາມໝັ້ນຄົງ ສປຊ ໄດ້ດຳເນີນຕາມຂໍ້ສະເໜີຂອງ ອາເມລິກາ, ຍີ່ປຸ່ນ ແລະ ສ. ເກົາຫຼີ. ຮອດຈຸດເວລານີ້, ສປປ ເກົາຫຼີ ຍັງຢັ້ງຢືນເຫດຍິງດາວທຽມຄັ້ງນີ້ແມ່ນເພື່ອແນໃສ່ຮັບໃຊ້ຈຸດປະສົງວິທະຍາສາດ, ແຕ່ ອາເມລິກາ, ສ. ເກົາຫຼີ ແລະ ຫຼາຍປະເທດອື່ນໆລ້ວນແຕ່ຖືວ່າ: ລູກສອນໄຟຂອງ ສປປ ເກົາຫຼີ ແມ່ນບັນດາເຕັກໂນໂລຢີໄດ້ນຳໃຊ້ໃຫ້ທັງຈຸດປະສົງພົນລະເຮືອນ ແລະ ການທະຫານ.