ເຂດພູພຽງ Golan
(ພາບ: EPA)
(vovworld) – ວັນທີ 26/4, ສະພາຄວາມໝັ້ນຄົງ ສປຊ ໄດ້ປະຕິເສດຄຳຖະແຫຼງອະທິປະໄຕຂອງທ່ານນາຍົກລັດຖະມົນຕີ ອິດສະຣາແອນ Benjamin Netanyahu ກ່ຽວກັບອະທິປະໄຕຂອງປະເທດນີ້ສຳລັບເຂດພູພຽງ Golan, ເຊິ່ງແມ່ນເຂດດິນແດນຖືກ ອິດສະຣາແອນ ຢຶດຄອງມາຈາກ ຊີຣີ ແຕ່ປີ 1967. ດ້ວຍຖານະເປັນປະທານສະພາຄວາມໝັ້ນຄົງ ສປຊ ໃນເດືອນນີ້, ທ່ານ ເອກອັກຄະລັດຖະທູດ ຈີນ ຫຼິວແຢນຊີ, ໄດ້ເຕື້ອງເຖິງມະຕິ 1981 ໂດຍກຳນົດວ່າ: ເລື່ອງ ອິດສະຣາແອນ “ຕັດສິນໃຈຈັດວາງກົດໝາຍ, ສິດອຳນາດ ແລະ ການຄຸ້ມຄອງບໍລິຫານຢູ່ພູພຽງ Golan ຖືກຄວບຄຸມຈາກ ຊີຣີ ແມ່ນບໍ່ມີຄຸນຄ່າ ແລະ ບໍ່ມີຜົນສະທ້ອນດ້ານກົດໝາຍສາກົນໃດໆ”. ທ່ານ ຫຼິວ ກໍ່ໃຫ້ຮູ້ວ່າ: ບັນດາສະມາຊິກສະພາຄວາມໝັ້ນຄົງ ສປຊ “ໄດ້ສະແດງຄວາມວິຕົກວັງວົນຢ່າງເລິກເຊິ່ງ” ກ່ຽວກັບບັນດາຖະແຫຼງການຂອງ ອິດສະຣາແອນ ແລະ ເນັ້ນໜັກທີ່ຕັ້ງບົດບາດຂອງ Golan ບໍ່ສາມາດປ່ຽນແປງໄດ້. ເຖິງຢ່າງໃດກໍ່ຕາມ, ໂດຍບໍ່ຫົວຊາຕໍ່ຄວາມກົດດັນຈາກບັນດາປະເທດ ອາຣັບ, ສະພາຄວາມໝັ້ນຄົງ ສປຊ ບໍ່ຍົກອອກບໍ່ວ່າຄຳຖະແຫຼງຢ່າງແຂງແຮງໃດກໍ່ຄືຮຽກຮ້ອງໃຫ້ ອິດສະຣາແອນ ຖອນອອກຈາກເຂດກ້ວາງ 1.200 ກິໂລຕາແມັດນີ້.