(vovworld)- ວັນທີ19/11, ສະພາຄວາມໝັ້ນຄົງ ສປຊ ໄດ້ຢືນຢັນຄືນຄຳໝັ້ນສັນຍາຮັບມືກັບບັນດາການນາບຂູ່ກໍ່ການຮ້າຍທົ່ວໂລກ ແລະ ເພີ່ມທະວີຮັບປະກັນຄວາມສະຫງົບປອດໄພ, ສັນຕິພາບໂລກ. ພາຍຫລັງວາລະປຶກສາຫາລືຂັ້ນສູງຢູ່ສຳນັກງານຂອງ ສປຊ ຢູ່ ນະຄອນ ນິວຢອກ, ອົງການນີ້ ໄດ້ຮັບຮອງເອົາຖະແຫລງການຮຽກຮ້ອງບັນດາປະເທດສະມາຊິກເພີ່ມທະວີການຮ່ວມມື ເພື່ອຍົກສູງຄວາມສາມາດຮັບມືກັບການນາບຂູ່ຈາກບັນດາມືປືນກໍ່ການຮ້າຍຕ່າງປະເທດ ແລະ ສະກັດກັ້ນການຍົກຍ້າຍຂອງກຳລັງນີ້ລະຫວ່າງບັນດາປະເທດ. ເພື່ອສະກັດກັ້ນການເຄື່ອນໄຫວຂອງບັນດາມືປືນຕ່າງປະເທດ, ສະພາຄວາມໝັ້ນຄົງ ສປຊ ໄດ້ເລັ່ງລັດບັນດາປະເທດຢຸດຕິການຄ້າຂາຍນ້ຳມັນກັບ IS ກໍຄືບັນດາກຸ່ມຫົວຮຸນແຮງອື່ນ, ປະຕິເສດການມອບເງິນກູ້ເອົາຕົວປະກັນ ແລະ ຮັດແຫນ້ນການກວດກາຄວາມສະຫງົບປອດໄພ.