ສະພາຄວາມໝັ້ນຄົງສະຫະປະຊາຊາດຄັດຄ້ານທຸກການກະທຳກໍ່ຄວາມຂາດສະຖຽນລະພາບ
ສະພາຄວາມໝັ້ນຄົງສະຫະປະຊາຊາດ “ກ່າວປະນາມຢ່າງຮຸນແຮງ”
ເຫດຍິງທົດລອງລູກສອນໄຟນຳວິຖີຫວ່າງມໍ່ໆມານີ້ຂອງສປປ.ເກົາຫຼີ
(ພາບປະກອບ: EPA/TTXVN)
(vovworld) - ວັນທີ 23/03, ສະພາຄວາມໝັ້ນຄົງສະຫະປະຊາຊາດ “ກ່າວປະນາມຢ່າງຮຸນແຮງ” ເຫດຍິງທົດລອງລູກສອນໄຟນຳວິຖີຫວ່າງມໍ່ໆມານີ້ຂອງສປປ.ເກົາຫຼີ, ພ້ອມທັງຄັດຄ້ານ “ການກະທຳກໍ່ຄວາມຂາດສະຖຽນລະພາບທີ່ນັບມື້ນັບເພີ່ມຂຶ້ນ” ຂອງພຽງຢາງ. ຄຳຖະແຫຼງຂອງສະພາຄວາມໝັ້ນຄົງສະຫະປະຊາຊາດ ໄດ້ຊີ້ແຈ້ງບັນດາການກະທຳຂອງສປປ.ເກົາຫຼີ ແມ່ນການກະທຳລະເມີດທີີີີ່ຮ້າຍແຮງບັນດາພັນທະສາກົນຂອງປະເທດນີ້. ບັນດາສະມາຊິກຂອງສະພາຄວາມໝັ້ນຄົງສະຫະປະຊາຊາດໄດ້ສະແດງຄວາມວິຕົກກັງວົນຢ່າງເລິກເຊິ່ງກ່ຽວກັບການກະທຳກໍ່ຄວາມຂາດສະຖຽນລະພາບທີ່ນັບມື້ນັບເພີ່ມຂຶ້ນ, ກໍ່ຄືສິ່ງທ້າທາຍ ແລະ ການເກາະຜິດສະພາຄວາມໝັ້ນຄົງສະຫະປະຊາຊາດ ຂອງພຽງຢາງ.
ໃນຂະນະນັ້ນ, ກະຊວງການຕ່າງປະເທດອາເມລິກາ ໄດ້ຮຽກຮ້ອງສປປ.ເກົາຫຼີ ຫຼີກລ້ຽງບັນດາການກະທຳເກາະຜິດ.
ກ່ອນໜ້ານັ້ນ, ຕອນເຊົ້າວັນທີ 22/03, ກະຊວງປ້ອງກັນປະເທດສ.ເກົາຫຼີ ໃຫ້ຮູ້ວ່າ, ສປປ.ເກົາຫຼີ ໄດ້ຍິງລູກສອນໄຟ 1 ລູກຈາກຝັ່ງທະເລທາງທິດຕາເວັນອອກຂອງປະເທດນີ້, ເບິ່ງຄືວ່າຖືກປະລາໄຊ.