(vovworld) – ສະພາຊົນເຜົ່າສະພາແຫ່ງຊາດຫວຽດນາມ ໂດຍທ່ານປະທານສະພາຊົນເຜົ່າສະພາແຫ່ງຊາດຫວຽດນາມ ກຊໍ ເຟືອກ, ນຳໜ້າ ໄດ້ໄປຢ້ຽມຢາມ ແລະ ເຮັດວຽກຢູ່ສະຫະພັນລັດເຊຍ. ໃນຂອບເຂດການຢ້ຽມຢາມເປັນເວລາ 2 ວັນ ແຕ່ວັນທີ 26 – 27/06, ສະພາຊົນເຜົ່າສະພາແຫ່ງຊາດຫວຽດນາມ ໄດ້ມີການເຮັດວຽກກັບກຳມາທິການຊົນເຜົ່າ, ກຳມາທິການນະໂຍບາຍພາກພື້ນຂຶ້ນກັບດູມາແຫ່ງຊາດ (ສະພາຕຳ່ລັດເຊຍ) ແລະ ສະພາທີ່ປຶກສາກ່ຽວກັບບັນດາບັນຫາຊົນເຜົ່າສະພາສະຫະພັນ (ສະພາສູງລັດເຊຍ). ທີ່ບັນດາການເຮັດວຽກ, 2 ຝ່າຍໄດ້ແບ່ງປັນຂໍ້ມູນກ່ຽວກັບສະພາບພັດທະນາເສດຖະກິດສັງຄົມ, ບັນດາຜົນງານໃນການພົວພັນພາຍໃນ ແລະ ຕ່າງປະເທດຂອງແຕ່ລະປະເທດ; ແລກປ່ຽນຂໍ້ມູນກ່ຽວກັບການເຄື່ອນໄຫວລະຫວ່າງ 2 ສະພາແຫ່ງຊາດ ແລະ ບັນດາກຳມາທິການຮັບຜິດຊອບບັນຫາຊົນເຜົ່າ. ກ່ຽວກັບບັນຫາຊົນເຜົ່າ, 2 ຝ່າຍໄດ້ແບ່ງປັນຂໍ້ມູນກ່ຽວກັບສະພາບເຄື່ອນໄຫວໃນໄລຍະຜ່ານມາ, ປຶກສາຫາລືນະໂຍບາຍຂອງແຕ່ລະປະເທດ, ແລກປ່ຽນບົດຮຽນດ້ານນິຕິບັດຍັດ ແລະ ຄຸ້ມຄອງສັງຄົມໃນຂົງເຂດດັ່ງກ່າວ ແລະ ກຳນົດທິດຮ່ວມມືໃນໄລຍະຈະມາເຖິງ.
ກ່ຽວຂ້ອງເຖິງບັນຫາທະເລຕາເວັນອອກ, ທ່ານປະທານສະພາຊົນເຜົ່າສະພາແຫ່ງຊາດຫວຽດນາມ ກຊໍ ເຟືອກ ໄດ້ແຈ້ງຂໍ້ມູນກ່ຽວກັບເລື່ອງຈີນ ຕັ້ງຮ້ານເຈາະນ້ຳມັນຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ; ປາດຖະໜາວ່າບັນດາສະມາຊິກສະພາແຫ່ງຊາດລັດເຊຍ ດ້ວຍບັນດາຊ່ອງຮ່ວມມືກັບສາກົນຈະມີການກະທົບຢ່າງຕັ້ງໜ້າເພື່ອແກ້ໄຂໂດຍສັນຕິ, ບົນພື້ນຖານກົດໝາຍສາກົນ. ບັນດາສະມາຊິກສະພາແຫ່ງຊາດລັດເຊຍ ໄດ້ສະແດງການແບ່ງປັນ ແລະ ພ້ອມແລ້ວທີ່ຈະມີບັນດາການເຄື່ອນໄຫວ ແລະ ຮູບແບບທີ່ເໝາະສົມເພື່ອມີສຽງເວົ້າທີ່ຕັ້ງໜ້າໃນບັນຫານີ້.