( vovworld ) –ໂດຍປະຕິບັດຕາມແຜນການຕິດຕາມກວດກາປີ 2012, ສະພາຊົນເຜົ່າຂອງສະພາແຫ່ງຊາດຫວຽດນາມ ໄດ້ສ້າງຕັ້ງ 6 ຄະນະລົງຕິດຕາມກວດກາສະພາບການຜັນຂະຫຍາຍ ແລະ ໝາກຜົນແຫ່ງການປະຕິບັດໂຄງການໜູນຊ່ວຍການຫລຸດຜ່ອນຄວາມທຸກຍາກຢ່າງໄວວາ ແລະ ໝັ້ນຄົງ ສຳລັບ 62 ເມືອງທຸກຍາກ ຕາມມະຕິ 30a ຂອງລັດຖະບານ ຫລືເອີ້ນຫຍໍ້ວ່າ ໂຄງການ 30a. ວັນທີ 17/2, ຄະນະຕິດຕາມກວດກາຂອງສະພາຊົນເຜົ່າຂອງສະພາແຫ່ງຊາດຫວຽດນາມ ນຳໂດຍທ່ານ ກຊໍເຟືອກ, ປະທານສະພາຊົນເຜົ່າຂອງສະພາແຫ່ງຊາດຫວຽດນາມ ນຳໜ້າ ໄດ້ລົງຕິດຕາມກວດກາໂຄງການ 30a ຢູ່ເມືອງເມື່ອງເຄືອງ, ແຂວງລາວກາຍ. ພາຍຫຼັງໄດ້ປະຕິບັດມາເປັນເວລາ 3 ປີ, ເມືອງເມື່ອງເຄືອງ, ແຂວງລາວກາຍ ໄດ້ຮັບການໜູນຊ່ວຍຈາກສູນກາງ ແລະ ບັນດາວິສາຫະກິດ ດ້ວຍຈຳນວນເງິນກ່ວາ 300 ຕື້ດົ່ງເພື່ອກໍ່ສ້າງພື້ນຖານໂຄງລ່າງ, ບັນດາກິດຈະກຳສະຫວັດດີການສັງຄົມ, ບຳລຸງສ້າງວິຊາຊີບ….ປະກອບສ່ວນປ່ຽນແປງໂສມໜ້າຂອງເຂດຊົນນະບົດເຂດພູດອຍເມື່ອງເຄືອງ ກໍຄືຊຸກຍູ້ການພັດທະນາເສດຖະກິດສັງຄົມຂອງເມືອງ. ຕີລາຄາກ່ຽວກັບໝາກຜົນຂອງການປະຕິບັດ, ທ່ານປະທານສະພາຊົນເຜົ່າຂອງສະພາແຫ່ງຊາດຫວຽດນາມ ກຊໍເຟືອກ ເວົ້າວ່າ: “ບັນດາສະຫາຍໄດ້ຊາບຊືມຈິດໃຈຂອງລັດຖະບານກ່ຽວກັບບັນດາໂຄງການ 30a ຢ່າງເລິກເຊີ່ງ. ປະຕິບັດວຽກງານສຳຫຼວດ ກຳນົດເປົ້າໝາຍໄດ້ຊົມໃຊ້ໂຄງການເປັນຢ່າງດີ…ເສີມຂະຫຍາຍບັນດາຄວາມສາມາດບົ່ມຊ້ອນ, ທ່າໄດ້ປຽບຂອງເມືອງ ເພື່ອຊອກຫາເສັ້ນທາງຫລຸດພົ້ນອອກຈາກຄວາມທຸກຍາກໄດ້“
ໃນວັນດຽວກັນ, ຢູ່ແຂວງກອນຕູມ, ຄະນະຕິດຕາມກວດກາຂອງສະພາຊົນເຜົ່າຂອງສະພາແຫ່ງຊາດກໍໄດ້ລົງກວດກາສະພາບຕົວຈິງຢູ່ບັນດາບ້ານ, ເຮັດວຽກກັບອຳນາດການປົກຄອງຕາແສງຈຳນວນໜື່ງຢູ່ 2 ເມືອງພວມຊົມໃຊ້ໂຄງການ 30a ຂອງລັດຖະບານຄື: ເມືອງຕູເມີຣົງ ແລະ ກອນປລົງ. ນະທີ່ນີ້, ທ່ານ ຫງວຽນເລີມແທງ ກຳມະການປະຈຳສະພາຊົນເຜົ່າຂອງສະພາແຫ່ງຊາດ, ຫົວໜ້າຄະນະຕິດຕາມກວດກາໄດ້ສະເໜີແນະກັບທາງແຂວງບັນດາບັນຫາຄື: ເພີ່ມທະວີການເຄືອ່ນໄຫວວຽກງານຖະແຫຼງຂ່າວ, ສົມທົບກັນ, ເສີມຂະຫຍາຍທ່າແຮງຊັບພະຍາກອນປ່າໃນການລົບລ້າງຄວາມອຶດຫີວ ຫລຸດຜ່ອນຄວາມທຸກຍາກ….. ຕໍ່ໜ້າສະພາບບັນດາຮູບແບບລົບລ້າງຄວາມອຶດຫີວ ຫລຸດຜ່ອນຄວາມທຸກຍາກຢູ່ 2 ເມືອງພວມຊົມໃຊ້ໂຄງການ 30a ຂອງແຂວງກອນຕູມ ລ້ວນແຕ່ມີຂອບຂະໜາດໜ້ອຍນັ້ນ, ທ່ານ ຫງວຽນເລີມແທງ ໄດ້ເວົ້າວ່າ: “
ພວກເຮົາຕ້ອງກ້າປະຕິບັດຮູບແບບໂຄງການທີ່ມີມູນຄ່າແຕ່ 500 ລ້ານ ຫາ 1 ຕື້ດົ່ງ. ມີຫຼາຍແຫຼ່ງທຶນເພື່ອສາມາດລົງທຶນເຂົ້າໃນການພັດທະນາຮູບແບບຢູ່ທ້ອງຖິ່ນ, ນັບທັງທຶນກູ້ຢືມເພື່ອຄົ້ນຄ້ວາວິທະຍາສາດ, ທຶນເພື່ອສົ່ງເສີມກະສິກຳ…ກໍແມ່ນນຳໃຊ້ເພື່ອປະຕິບັດບາງຮູບແບບຈຸດສຸມ ແລະ ກໍເພື່ອໃຫ້ປະຊາຊົນສາມາດຮ່ຳຮຽນເອົາ“.