(VOVWORLD) - SOHR ໃຫ້ຮູ້ວ່າ, ມີ 704 ຄົນ, ສ່ວນຫຼາຍແມ່ນກຳລັງເຂົ້າຮ່ວມການຕໍ່ສູ້ ແລະ ສາມັນຊົນ 110 ຄົນເສຍຊີວິດຢູ່ ຊີຣີ ນັບແຕ່ເມື່ອການໃຊ້ຄວາມຮຸນແຮງເກີດຂຶ້ນໃນອາທິດກ່ອນ.
 (ພາບປະກອບ: REUTERS/TTXVN)
|
ວັນທີ 05 ທັນວາ, ອົງການຕິດຕາມສິດທິມະນຸດ (SOHR) ໃຫ້ຮູ້ວ່າ, ການປະທະກັນຢ່າງດຸເດືອດສືບຕໍ່ເກີດຂຶ້ນລະຫວ່າງກຳລັງລັດຖະບານ ຊີຣີ ແລະ ພວກທະຫານກະບົດອິດສະລາມ ຢູ່ອ້ອມນະຄອນ Hama, ທາງພາກກາງ ຊີຣີ. SOHR ໃຫ້ຮູ້ວ່າ, ມີ 704 ຄົນ, ສ່ວນຫຼາຍແມ່ນກຳລັງເຂົ້າຮ່ວມການຕໍ່ສູ້ ແລະ ສາມັນຊົນ 110 ຄົນເສຍຊີວິດຢູ່ ຊີຣີ ນັບແຕ່ເມື່ອການໃຊ້ຄວາມຮຸນແຮງເກີດຂຶ້ນໃນອາທິດກ່ອນ. ມີປະຊາຊົນ 115.000 ຄົນໄດ້ປະລະເຮືອນຊານຢູ່ Idlib ແລະ ທາງພາກເໜືອ Aleppo ຍ້ອນເກີດການປະທະກັນ.
ກ່ຽວຂ້ອງເຖິງສະພາບການຢູ່ ຊີຣີ, ວັນທີ 05 ທັນວາ, ໂຄສົກວັງ Kremlin, ທ່ານ Dmitry Peskov ໃຫ້ຮູ້ວ່າ, ລັດເຊຍ ພວມຕິດຕາມສະພາບການຢູ່ ຊີຣີ ຢ່າງແໜ້ນແຟ້ນ, ຕິດຕໍ່ກັບອຳນາດການປົກຄອງ ຊີຣີ ເປັນປະຈຳ ແລະ ພວມຕີລາຄາສະພາບການ, ຈາກນັ້ນຈະຕົກລົງລະດັບການໜູນຊ່ວຍອຳນາດການປົກຄອງ ຊີຣີ ຮັບມືກັບພວກກະບົດ.