(vovworld) – ຢ່າງໜ້ອຍສຸດມີ 16 ຄົນເສຍຊີວິດໃນເຫດວ່າງລະເບີດເກີດຂຶ້ນໃນວັນທີ 23/2 ຢູ່ສູນການຄ້າແຫ່ງໜຶ່ງຢູ່ນະຄອນຫຼວງ ບາງກອກ, ບ່ອນທີ່ເຕົ້າໂຮມບັນດາຜູ້ແຫ່ຂະບວນປະທ້ວງຕ້ານລັດຖະບານຂອງທ່ານນາງນາຍົກລັດຖະມົນຕີ ຍິ່ງລັກ ຊິນນະວັດ. ຕຳຫຼວດ ແລະ ທະຫານ ພວມສືບສວນສາຍເຫດຂອງເຫດລະເບີດ. ການບຸກໂຈມຕີນີ້ແມ່ນໜຶ່ງໃນບັນດາການໃຊ້ຄວາມຮຸນແຮງຢ່າງຮ້າຍແຮງທີ່ສຸດນັບແຕ່ເມື່ອເກີດການແຫ່ຂະບວນປະທ້ວງຕ້ານລັດຖະບານຂອງທ່ານນາງນາຍົກລັດຖະມົນຕີ ຍິ່ງລັກ ຊິນນະວັດ ເມື່ອນທ້າຍເດືອນ 11/2013.
ກໍ່ໃນວັນທີ 23/2, ສະຫະປະຊາຊາດ ໄດ້ຮຽກຮ້ອງຢຸດຕິສະພາບການໃຊ້ຄວາມຮຸນແຮງປີນຂັ້ນໄດນີ້. ທ່ານເລຂາທິການໃຫຍ່ສະຫະປະຊາດ Ban Ki Moon ໄດ້ກ່າວປະນາມບັນດາການເຄື່ອນໄຫວບຸກໂຈມຕີດ້ວຍກຳລັງອາວຸດເພື່ອເລັ່ງໃສ່ບັນດາຜູ້ແຫ່ຂະບວນປະທ້ວງຢູ່ ໄທ, ຮຽກຮ້ອງໃຫ້ຢຸດຕິສະພາບໃຊ້ຄວາມຮຸນແຮງໃນທັນທີ ແລະ ນຳຕົວການອອກພິພາກສາ. ທ່ານ Ban Ki Moon ກໍ່ກະຕຸກຊຸກຍູ້ບັນດາຝ່າຍຢູ່ ໄທ ເຄົາລົບນັບຖືສິດທິມະນຸດ ແລະ ກົດໝາຍ, ສະກັດກັ້ນບັນດາເຫດບຸກໂຈມຕີ, ເຂົ້າຮ່ວມ “ການໂອ້ລົມສົນທະນາທີ່ມີຄວາມໝາຍ” ມຸ່ງໄປເຖິງການຢຸດຕິວິກິດການ ແລະ ຊຸກຍູ້ການປະຕິຮູບ.
ແລະກໍ່ໃນວັນດຽວກັນ, ທ່ານນາງນາຍົກລັດຖະມົນຕີຊົ່ວຄາວ ໄທ ຍິ່ງລັກ ຊິນນະວັດ ຖະແຫຼງວ່າ: ການບຸກໂຈມຕີຄັ້ງຕ່າງໆເກີດຂຶ້ນໃນເວລາມໍ່ໆມານີ້ຢູ່ ບາງກອກ ແມ່ນ “ບັນດາການກະທຳກໍ່ການຮ້າຍເພື່ອແນໃສ່ຈຸດປະສົງການເມືອງ”. ທ່ານນາງ ຍິ່ງລັກ ຊິນນະວັດ ຮຽກຮ້ອງໃຫ້ບັນດາຝ່າຍຊອກຫາບັນດາມາດຕະການສັນຕິພາບເພື່ອແກ້ໄຂການປະທະກັນດ້ານການເມືອງຜ່ານວິວັດການປະຊາທິປະໄຕ.