(vovworld) - ວັນທີ 25 ສິງຫາ, ພັກ Salafist Nour, ກຳລັງອິດສະລາມໃຫຍ່ອັນດັບ 2 ຢູ່ອີຍີບ ແລະ ແມ່ນກຸ່ມອິດສະລາມໜຶ່ງດຽວທີ່ສະໜັບສະໜູນເລື່ອງປົດຕຳແໜ່ງປະທານາທິບໍດີ Mohamed Morsi, ຖະແຫຼງຈະເຂົ້າຮ່ວມຄະນະກຳມະການປັບປຸງລັດຖະທຳມະນູນ. ຂໍ້ຕົກລົງນີ້ ແມ່ນການກະທຳທີ່ໜ້າສົນໃຈ ຊ່ວຍແກ້ໄຂ ສະພາບການເມືອງຢູ່ອີຍີບ ໃນປະຈຸບັນ ແລະ ສືບຕໍ່ວິວັດການມອບໂອນໂດຍກອງທັບວາງອອກເມື່ອວັນທີ 03 ກໍລະກົດ, ໃນນັ້ນລວມມີການປັບປຸງລັດຖະທຳມະນູນປີ 2012 ເຊິ່ງພວມຖືກຢຸດຕິ, ຈັດຕັ້ງການເລືອກຕັ້ງສະພາແຫ່ງຊາດ ແລະ ເລືອກຕັ້ງປະທານາທິບໍດີ.
ແລະກໍ່ໃນວັນດຽວກັນ, ທ່ານ Ahmed El Meslemani, ທີ່ປຶກສາດ້ານສື່ສານຂອງປະທານາທິບໍດີຊົ່ວຄາວອີຍີບ, ຢືນຢັນວ່າ ປະເທດອາຟະລິກາເໜືອນີ້ ໄດ້ຜ່ານຜ່າກົ “ກົນອຸບາຍ” ໂຄ່ນລົ້ມລັດ ແລະ ປະຈຸບັນພວມດຳເນີນບັ້ນຮົບຕ້ານຄືນບັນດາພາກສ່ວນຫົວຈັດໃນອົງການອ້າຍນ້ອງຊາວມິດສະລິມ (MB) ແລະ ບັນດາກຳລັງອິດສະລາມຮ່ວມສຳພັນ.