ຜູ້ແຫ່ຂະບວນປະທ້ວງຄັດຄ້ານລັດຖະບານເຕົ້າໂຮມຢູ່ນອກສານລັດຖະທຳມະນູນຢູ່ບັງກອກ ໃນວັນທີ 20/11
ພາບ: AFP/TTXVN
(vovworld) - ວັນທີ 24/11, ມີຜູ້ແຫ່ຂະບວນປະທ້ວງກ່ວາ 100.000 ຄົນໄດ້ເຕົ້າໂຮມຢູ່ສູນປະຫວັດສາດນະຄອນເພື່ອແນໃສ່ຮຽກຮ້ອງໂຄ້ນລົ້ມລັດຖະບານຂອງທ່ານນາງ ຍິງຣັກ ຊິນນະວັດ. ແລະກໍ່ໃນເວລາດຽວກັນ, ຝ່າຍເສື້ອແດງມີປະມານ 30.000 ຄົນກໍ່ເລີ່ມເຕົ້າໂຮມກັນຢູ່ສະໜາມກິລາທີ່ຊານນະຄອນເພື່ອສະແດງການສະໜັບສະໜູນສຳລັບລັດຖະບານຂອງທ່ານນາງ ນາຍົກລັດຖະມົນຕີ ຍິງຣັກ ຊິນນະວັດ. 2 ກຸ່ມແຫ່ຂະບວນປະທ້ວງດັ່ງກ່າວຖະແຫຼງຈະເຕົ້າໂຮມກັນຕະຫຼອດຄືນຢູ່ນະຄອນຫຼວງ ບັງກອກ. ສິ່ງດັ່ງກ່າວເຮັດໃຫ້ຄວາມເຄັ່ງຕຶງມີໄພປິນຂັ້ນໄດ.
ໃນຫຼາຍອາທິດຜ່ານມາ, ນະຄອນຫຼວງຂອງໄທຕ້ອງປະເຊີນໜ້າກັບກະແສຟອງແຫ່ຂະບວນປະທ້ວງຄັ້ງຕ່າງໆເພື່ອຄັດຄ້ານຮ່າງກົດໝາຍວ່າດ້ວຍການອະໄພຍະໂທດທີ່ກໍ່ຄວາມຖົກຖຽງກັນ. ຮ່າງກົດໝາຍອະນຸຍາດໃຫ້ລັດຖະບານ ອະໄພຍະໂທດໃຫ້ທຸກໆພັກຝ່າຍກໍ່ຄືບຸກຄົນຖືກຈັບຕົວທີ່ກ່ຽວຂ້ອງເຖິງເຫດຈາລະຈົນຢູ່ຕາມຖະໜົນນັບແຕ່ປີ 2004. ຝ່າຍຄ້ານຖືວ່າ ຈຸດປະສົງຕົ້ນຕໍ່ຂອງຮ່າງກົດໝາຍສະບັບນີ້ແມ່ນເພື່ອແນໃສ່ “ລົບລ້າງໂທດ” ໃຫ້ອະດີດນະຍົກລັດຖະມົນຕີ ທັກສິນ ຊິນນະວັດ ຜ່ານຂໍ້ມາດຕາອະໄພຍະໂທດໃຫ້ບັນດາບຸກຄົນມີການກະທຳຜິດຄືເຂັ່ນຂ້າຜູ້ແຫ່ຂະບວນປະທ້ວງບໍ່ປະກອບອາວຸດ. ໂດຍບໍ່ຫົວຊາຕໍ່ເລື່ອງວັນທີ 11/11, ວຸດທິສະພາໄທ ໄດ້ປະຕິເສດຮ່າງກົດໝາຍດັ່ງກ່າວ, ບັນດາຜູ້ແຫ່ຂະບວນປະທ້ວງຍັງຄົງແຫ່ຂະບວນປະທ້ວງເພື່ອແນໃສ່ຮຽກຮ້ອງໂຄ້ນລົ້ມລັດຖະບານປະຈຸບັນເຊິ່ງເຂົາເຈົ້າກ່າວຫາແມ່ນພວມຖືກ “ອະດີດນາຍົກລັດຖະມົນຕີ ທັກສິນຄວບຄຸມ”.
ຕອນເຊົ້າວັນທີ 25/11, ທ່ານນາງນາຍົກລັດຖະມົນຕີທັງເປັນລັດຖະມົນຕີກະຊວງປ້ອງກັນປະເທດ ຍິງຣັກ ຊິນນະວັດ ໄດ້ຮຽກໂຮມປະຊຸມຄະນະລັດຖະບານເພື່ອພິຈາລະນະເລື່ອງຕໍ່ກຳນົດເວລານຳໃຊ້ກົດໝາຍວ່າດ້ວຍປ້ອງກັນຄວາມສະຫງົບພາຍໃນຢູ່ນະຄອນຫຼວງ ບັງກອກ ເພື່ອແນໃສ່ຮັບມືກັບການແຫ່ຂະບວນປະທ້ວງ, ເພີ່ມທະວີວຽກງານປົກປ້ອງສຳນັກງານນາຍົກລັດຖະມົນຕີ ແລະ ສຳນັກງານສະພາແຫ່ງຊາດ. ລັດຖະບານໄທ ວິຕົກກັງວົນວ່າການແຫ່ຂະບວນປະທ້ວງຂະໜາດໃຫຍ່ ແລະ ແກ່ຍາວ, ອາດຈະເກີນຂອບເຂດການຄວບຄຸມພາໄປເຖິງສະພາບຂາດຄວາມເປັນລະບຽບຮຽບຮ້ອຍທາງສັງຄົມ, ສົ່ງຜົນສະທ້ອນເຖິງການພັດທະນາເສດຖະກິດ, ພິເສດໃນສະພາບການເມືອງໄທ ພວມເກີດຫຼາຍປັດໄຈຂາດສະຖຽນລະພາບ. ແລະກໍ່ໃນວັນດຽວກັນ, ພະບາດສົມເດັດພະເຈົ້າມະຫາຊີວິດ ໄທ ສະແດງຄວາມວິຕົກກັງວົນຕໍ່ສະພາບການເມືອງຂອງປະເທດຊາດ, ພ້ອມທັງຮຽກຮ້ອງໃຫ້ ບັນດາພັກຝ່າຍຄວນແກ້ໄຂຄວາມຂັດແຍ່ງກັນດ້ວຍມາດຕະການເຈລະຈາ.