ສະພາວັດທະນະທຳ ອາຊີ ສະເໜີຕົວຢູ່ ກຳປູເຈຍ ຢ່າງເປັນທາງການ
(VOVWORLD) - ຕອນຄ່ຳວັນທີ 15 ມັງກອນ, ຢູ່ເຂດມໍລະດົກໂລກ Angkor Wat, ນະຄອນ Siem Reap, ແຂວງ Siem Reap, ລາຊະອານາຈັກ ກຳປູເຈຍ ໄດ້ດຳເນີນພິທີສະເໜີຕົວສະພາວັດທະນະທຳ ອາຊີ (ACC).
 ພິທີສະເໜີຕົວສະພາວັດທະນະທຳ ອາຊີ ACC ພາບ: TTXVN |
ພິທີດັ່ງກ່າວ ໂດຍທ່ານນາຍົກລັດຖະມົນຕີລາຊະອານາຈັກ ກຳປູເຈຍ HunSen ເປັນເຈົ້າພາບຈັດຕັ້ງ ດ້ວຍການເຂົ້າຮ່ວມຂອງບັນດາຜູ້ແທນທີ່ມາຈາກ 20 ປະເທດໃນພາກພື້ນ ອາຊີ, ບາງອົງການຈັດຕັ້ງຂອງທະວີບອາຟຣິກກາ, ທະວີບອາເມລິກາ ແລະ ເອີຣົບ. ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ ກໍ່ເຂົ້າຮ່ວມເຫດການດັ່ງກ່າວ.
ACC ໄດ້ຮັບການສ້າງຕັ້ງດ້ວຍເປົ້າໝາຍມຸ່ງໄປເຖິງການຊຸກຍູ້ຄວາມເຂົ້າອົກເຂົ້າໃຈເຊິ່ງກັນ ແລະ ກັນ, ການແລກປ່ຽນວັດທະນະທຳລະຫວ່າງບັນດາປະເທດສະມາຊິກ, ຍົກສູງນ້ຳໃຈສາມັກຄີ, ຊຸກຍູ້ມໍລະດົກວັດທະນະທຳຄືດັ່ງແຫຼ່ງພັດທະນາແບບຍືນຍົງ, ການຮ່ວມມືສາກົນ, ການຮ່ວມສຳພັນລະຫວ່າງບັນດາພື້ນຖານສີວິໄລ ແລະ ສ້າງທະວີບ ອາຊີ ວັດທະນາຖາວອນ.