ທ່ານ Menendez ສະມາຊິກສະພາສູງ ອາເມລິກາ
(ພາບ:theridgewoodblog.net)
(vovworld)- ສະພາສູງອາເມລິກາ ຫາກໍ່ຮັບຮອງເອົາມະຕິເລກທີ 167 ຮຽກຮ້ອງໃຫ້ມາດຕະການສັນຕິພາບໃຫ້ແກ່ບັນດາການພິພາດກັນຢູ່ທະເລຕາເວັນອອກ ແລະ ທະເລຮວາຕຸງ ດ້ວຍອັດຕາສ່ວນເຫັນດີຢ່າງຂາດຂັ້ນ. ມະຕິເລກທີ 167 ມີເນື້ອໃນຊຸກຍູ້ປະເທດຕ່າງໆມີຖະແຫຼງການອະທິປະໄຕຢູ່ທະເລຕາເວັນອອກ ແລະ ທະເລຮວາຕຸງ ຈົ່ງສ້າງ ແລະ ຮັບຮອງເອົາປະມວນຂໍ້ກຳນົດການປະພຶດເພື່ອຫລີກລ້ຽງການປະທະກັນ. ມະຕິຮຽກຮ້ອງໃຫ້ສະພາສູງອາເມລິກາ ຕ້ອງກ່າວປະນາມການກະທຳນາບຂູ່, ບັງຄັບ ແລະ ນຳໃຊ້ກຳລັງອາວຸດຂອງທະຫານເຮືອ, ຕຳຫຼວດທະເລ, ເຮືອຫາປາຫລືຍົນທະຫານ ແລະ ພົນລະເຮືອນຢູ່ທະເລຕາເວັນອອກ ແລະ ທະເລຮວາຕຸງ ດ້ວຍຈຸດປະສົງຢັ້ງຢືນອະທິປະໄຕເຂດທະເລ ແລະ ອະທິປະໄຕເຂດດິນແດນ, ປ່ຽນແປງສະພາບການຢູ່ທະເລຕາເວັນອອກ ແລະ ທະເລຮວາຕຸງ. ມະຕິຮຽກຮ້ອງໃຫ້ອາຊຽນ ແລະ ຈີນ ຈົ່ງສ້າງປະມວນຂໍ້ກຳນົດການປະພຶດຂອງຝ່າຍຕ່າງໆຢູ່ທະເລຕາເວັນອອກ.
ກ່າວຄຳເຫັນເມື່ອຮັບຮອງເອົາມະຕິດັ່ງກ່າວ, ທ່ານ Menendez ສະມາຊິກສະພາສູງ ອາເມລິກາ ໃຫ້ຮູ້ວ່າ: ອາເມລິກາ ຈະຍື່ນມືເຂົ້າການພິພາດຕ່າງໆຢູ່ທະເລຕາເວັນອອກ ແລະ ທະເລຮວາຕຸງ ໂດຍຜ່ານທາງການທູດ. ທ່ານໃຫ້ຮູ້ວ່າ: ການພິພາດກັນຢູ່ອາຊີ-ປາຊີຝິກ ໃນປະຈຸບັນ ບໍ່ແມ່ນບັນຫາຂອງອະດີດຕະການ ຫາກກ່ຽວຂ້ອງຢ່າງແໜ້ນແຟ້ນເຖິງອະນາຄົດຂອງພາກພື້ນທີ່ຖືກຖືວ່າ ແມ່ນຈຸດສຸມຂອງການພັດທະນາເສດຖະກິດທົ່ວໂລກໃນສັດຕະວັດທີ 21.