ສະພາແຫ່ງຊາດ ຫວຽດນາມ ປ່ອນບັດເລືອກຕັ້ງຮອງປະທານສະພາແຫ່ງຊາດ, ແຕ່ງຕັ້ງ ຮອງນາຍົກລັດຖະມົນຕີ, ລັດຖະມົນຕີກະຊວງຕຳຫລວດ
(VOVWORLD) -ຕອນບ່າຍວັນທີ 6 ມິຖຸນາ, ຢູ່ ຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ດຳເນີນການປ່ອນບັດປິດລັບ ເລືອກຕັ້ງຮອງປະທານສະພາແຫ່ງຊາດ ອາຍຸການ 2021-2026 ສຳລັບ ທ່ານນາງ ຫງວຽນທິແທງ, ຫົວຫນ້າຄະນະປະຕິບັດວຽກງານສະມາຊິກສະພາແຫ່ງຊາດ.
 ທ່ານນາງ ຫງວຽນທິແທງ ຮອງປະທານສະພາແຫ່ງຊາດ ຫວຽດນາມ ຄົນໃຫມ່. (ພາບ:quochoi.vn) |
ຕອນບ່າຍວັນດຽວກັນ, ສະພາແຫ່ງຊາດ ໃຫ້ສັດຕະຍາບັນແຕ່ງຕັ້ງ ທ່ານ ເລແທ່ງລອງ, ລັດຖະມົນຕີກະຊວງຍຸຕິທຳ ດຳລົງຕຳແຫນ່ງ ຮອງນາຍົກລັດຖະມົນຕີ ອາຍຸການ 2021-2026.
 ທ່ານ ເລແທ່ງລອງ ຮອງນາຍົກລັດຖະມົນຕີຄົນໃຫມ່. (ພາບ:quochoi.vn) |
ແລະ ດ້ວຍຄວາມຕົກລົງເຫັນດີເປັນສ່ວນໃຫຍ່, ສະພາແຫ່ງຊາດ ຮັບຮອງເອົາມະຕີໃຫ້ສັດຕະຍາບັນແຕ່ງຕັ້ງ ພົນໂທ ເລືອງຕາມກວາງ ດຳລົງຕຳແຫນ່ງ ລັດຖະມົນຕີກະຊວງຕຳຫລວດ ຫວຽດນາມ ອາຍຸການ 2021-2026.
 ພົນໂທ ເລືອງຕາມກວາງ ດຳລົງຕຳແຫນ່ງ ລັດຖະມົນຕີກະຊວງຕຳຫລວດ ຫວຽດນາມ ອາຍຸການ 2021-2026. (ພາບ:quochoi.vn) |