( vovworld ) - ວັນທີ 12 ກຸມພາ, ສະພາແຫ່ງຊາດ ເກຼັກ ໄດ້ດຳເນີນການ ລົງມະຕິຮັບເອົາການຊ່ວຍເຫຼືອຈາກສະຫະພາບເອີລົບ ແລະ ກອງທຶນເງິນຕາສາກົນ. ບ້ວງເງິນນີ້ ເພື່ອແນໃສ່ຊ່ວຍໃຫ້ ເກຼັກ ຫຼຸດພົ້ນອອກຈາກໜີ້ສິນຂອງລັດໃນວັນທີ່ 20 ມີນາທີ່ຈະມາເຖິງ ເຊິ່ງກົງກັບຈຸດເວລາທີ່ປະເທດນີ້ຕ້ອງຊຳລະບ້ວງໜີ້ສິນທີ່ຂື້ນເຖິງ 14,5 ຕື້ USD. ແທນທີນັ້ນ, ລັດຖະບານ ເກຼັກ ຕ້ອງຫຼຸດຜ່ອນການໃຊ້ຈ່າຍແລະ ຫຼຸດ ຈຳນວນລັດຖະກອນລົງ 15 000 ຄົນ. ຖ້າຫາກສະພາແຫ່ງຊາດ ເກຼັກ ບໍ່ອະນຸມັດຜ່ານຂໍ້ຕົກລົງນີ້, ປະເທດນີ້ບໍ່ສາມາດກູ້ຍືມບ້ວງເງິນທີ່ 2 ທີ່ມີມູນຄ່າ 130 ຕື້ເອີໂລໄດ້ ແລະ ຈະສືບຕໍ່ປະເຊີນໜ້າກັບໄພໜີ້ສິນ. ແຕ່ວ່າ, ກ່ອນເວລາລົງມະຕິ, ຊາວ ເກຼັກ ນັບພັນໆຄົນສືບຕໍ່ລົງຖະໜົນຫົນທາງເພື່ອຄັດຄ້ານ ຄຳໝັ້ນສັນຍາກ່ຽວກັບການຊ່ວຍເຫຼືອນີ້. ກ່ອນໜ້ານັ້ນ, ລັດຖະມົນຕີ ເກັຼກ 6 ທ່ານ ໄດ້ລາອອກຈາກຕໍ່າແໜ່ງເພື່ອຄັດຄ້ານແຜນການຫຼຸດເງິນເດືອນເຊິ່ງບັນດາເຈົ້າຂອງໜິ້ສາກົນຮຽກຮ້ອງປະເທດນີ້ຕ້ອງປະຕິບັດ ເພື່ອແນໃສ່ໄດ້ຮັບບ້ວງເງິນກູ້ຊ່ວຍ 130 ຕື້ ເອີໂລນີ້.