ສະພາແຫ່ງຊາດກຳປູເຈຍຮັບຮອງເອົາກົດໝາຍໃໝ່ 2 ສະບັບກ່ຽວກັບ ການເລືອກຕັ້ງ
(ພາບປະກອບ)
(vovworld) – ວັນທີ 19/03, ສະພາແຫ່ງຊາດກຳປູເຈຍ ໄດ້ເຫັນດີຮັບຮອງເອົາກົດໝາຍໃໝ່ 2 ສະບັບກ່ຽວກັບການເລືອກຕັ້ງ ເພື່ອແນໃສ່ຮັບປະກັນໃຫ້ບັນດາການເລືອກຕັ້ງດຳເນີນໄປຢ່າງເສລີ ແລະ ມີຄວາມຍຸຕິທຳ ກໍ່ຄືສະກັດກັ້ນສະພາບບໍ່ມີທາງອອກພາຍຫຼັງການເລືອກຕັ້ງໃນອະນາຄົດ. ຕາມການກຳນົດ, ກົດໝາຍ 2 ສະບັບນີ້ຈະໄດ້ຍືນຕໍ່ສະພາສູງ ພິຈາລະນາຄັ້ງສຸດທ້າຍ ກ່ອນທີ່ຍືນຕໍ່ສະພາລັດຖະທຳມະນູນ ແລະ ຫຼັງຈາກນັ້ນຍືນສະເໜີຕໍ່ພະບາດສົມເດັກພະບໍຣົມມະນຽດ Norodom Sihamoni ອະນຸມັດຜ່ານ ປະກາດໃຊ້ເປັນກົດໝາຍ.
ກົດໝາຍສະບັບໃໝ່ໄດ້ກຳນົດວ່າ ໃນການເລືອກຕັ້ງຄັ້ງຕໍ່ໄປໃນປີ 2018, ຈຳນວນທີ່ນັ່ງຂອງສະພາແຫ່ງຊາດຈະເພີ່ມຂຶ້ນແຕ່ 123 ທີ່ນັ່ງຂຶ້ນເຖິງ 125 ທີ່ນັ່ງ. ການຫາສຽງເລືອກຕັ້ງຈະຖືກຫຼຸດແຕ່ 30 ວັນລົງເຫຼືອພຽງ 21 ວັນ, ບັນດາອົງການສັງຄົມພົນລະເຮືອນ ກໍ່ຄືຊາວຕ່າງປະເທດບໍ່ມີສິດຈັດການຫາສຽງເລືອກຕັ້ງໃຫ້ບໍ່ວ່າພັກຝ່າຍການເມືອງໃດໆ. ຮ່າງກົດໝາຍດັ່ງກ່າວກໍ່ກຳນົດວ່າ ບັນດາພັກການເມືອງຈະບໍ່ມີທີ່ນັ່ງຖ້າຫາກຄັດຄ້ານສະພາແຫ່ງຊາດ ພາຍຫຼັງການເລືອກຕັ້ງ.