( vovworld ) – ໂດຍພາຍໃຕ້ການເປັນປະທານຂອງທ່ານນາງຮອງປະທານສະພາແຫ່ງຊາດຫວຽດນາມ Nguyen Thi Kim Ngan, ຕອນເຊົ້າວັນທີ 8/6, ສະພາແຫ່ງຊາດໄດ້ປຶກສາຫາລືຢູ່ຫໍປະຊຸມກ່ຽວກັບແຜນຮ່າງສັງລວມກ່ຽວກັບການສ້າງໂຄງປະກອບເສດຖະກິດຄືນໃໝ່. ນີ້ແມ່ນແຜນຮ່າງສຳຄັນ, ໃຫ່ຍທີ່ສຸດນັບແຕ່ກ່ອນມາ ແລະ ໄດ້ຮັບຄວາມສົນໃຈເປັນພິເສດຈາກຫາງສຽງສັງຄົມ, ໂດຍສະເພາະແມ່ນໃນສະພາບການເສດຖະກິດປະສົບກັບຄວາມຫຍຸ້ງຍາກຄືປະຈຸບັນ.
ມະຕິຂອງສະພາແຫ່ງຊາດເມື່ອວັນທີ 9/11/2011 ມອບໝາຍໃຫ້ລັດຖະບານ ຈົ່ງຮີບເຮັ່ງສ້າງແຜນຮ່າງສັງລວມກ່ຽວກັບການສ້າງໂຄງປະກອບເສດຖະກິດ ຄືນໃໝ່ສຳເລັດ ຕິດພັນກັບການປ່ຽນໃໝ່ຮູບແບບການເຕີບໂຕ, ຕາມທິດຍົກສູງຄຸນນະພາບ, ປະສິດທິຜົນ ແລະ ລັກສະນະແກ່ງແຍ້ງສູງ. ແຜນຮ່າງນີ້ເພື່ອມຸ້ງໄປເຖິງຈຸດໝາຍສັງລວມແມ່ນຮັບປະກັນການເຕີບ ໂຕເສດຖະກິດຢູ່ໃນລະດັບເໝາະສົມ, ປະກອບສ່ວນຮັກສາເສດຖະກິດມະຫາພາກຢ່າງໝັ້ນຄົງ, ລິດັບເງິນເຟີ້ຕ່ຳ ແລະ ແກ້ໄຂບັນດາບັນຫາຊີວິດສັງຄົມເປັນຢ່າງດີ.
ທ່ານນາງຮອງປະທານສະພາແຫ່ງຊາດ Nguyen Thi Kim Ngan
(ພາບ:vtv.vn)
ບັນດາຄຳເຫັນທີ່ເວທີປາໄສສະພາແຫ່ງຊາດໃນວັນທີ 8/6 ລ້ວນແຕ່ເຫັນດີເປັນເອກະສັນສູງໂດຍຖືວ່າ ຈຳເປັນຕ້ອງມີແຜນຮ່າງສັງລວມການສ້າງໂຄງປະກອບເສດຖະກິດຄືນໃໝ່, ຊ່ວຍໃຫ້ພື້ນຖານເສດຖະກິດຂອງປະເທດຊາດ ຜ່ານຜ່າຄວາມຫຍູ້ງຍາກ ແລະ ມຸ້ງໄປເຖິງການເຕີບໂຕແບບຍືນຍົງ, ເປັນປົກກະຕິ. ທ່ານ Ngo Duc Manh ສສຊ ແຂວງ ບິນທ້ວນ ຖືວ່າ: ເລື່ອງສ້າງໂຄງປະກອບເສດຖະກິດຄືນໃໝ່ ຕ້ອງຕິດພັນກັບການເຊື່ອມໂຍງເຂົ້າກັບເສດຖະກິດສາກົນ, ພ້ອມທັງຕ້ອງຮັກສາຕະຫຼາດພາຍໃນປະເທດ. ທ່ານ Ngo Duc Manh ເວົ້າວ່າ:
“ຂ້າພະເຈົ້າສະເໜີວ່າ ແຜນການຕ້ອງເອົາໃຈໃສ່ ເຖິງບັນຫາເຊື່ອມໂຍງເຂົ້າກັບສາກົນ. ຕ້ອງກຳນົດ ການເຊື່ອມໂຍງເສດຖະກິດສາກົນ ແມ່ນໜ້າທີ່ ເພື່ອປ່ຽນໃໝ່ ແລະ ພັດທະນາປະເທດຊາດ. ຕ້ອງຖືການເປີດປະຕູ, ເຊື່ອມໂຍງແມ່ນເງື່ອນໄຂສຳຄັນເພື່ອສ້າງໂຄງປະກອບເສດຖະກິດຄືນໃໝ່. ເຂົ້າຮ່ວມພື້ນຖານເສດຖະກິດທົ່ວໂລກ ພວມເຮົາມີເງື່ອນໄຂເສີມຂະຫຍາຍກຳລັງແກ້ງແຍ້ງ, ປົວແປງຊີວິດການເປັນຢູ່ຂອງປະຊາຊົນ”
ທ່ານ To Van Tam ສະມາຊິກສະພາແຫ່ງຊາດແຂວງ Kon Tum ມີຄຳເຫັນວ່າ:
“ທັດສະນະຂອງພັກໃນຍຸດທະສາດແຫ່ງການພັດທະນາເສດຖະກິດສັງຄົມແຕ່ປີ 2011 ຮອດປີ 2020 ໂດຍກອງປະຊຸມໃຫ່ຍທົ່ວປະເທດຄັ້ງທີ 11 ພັກກອມມູນິດຫວຽດນາມ ຮັບຮອງເອົາ ໄດ້ກຳນົດການພັດທະນາໄວ ຕິດພັນກັບການພັດທະນາແບບຍືນຍົງ. ແຕ່ເຖິງຢ່າງໃດກໍຕາມ, ໃນທັດສະນະຊີ້ນຳການສ້າງໂຄງປະກອບເສດຖະກິດຄືນໃໝ່ຂອງແຜນການ ໄດ້ກຳນົດການປະຕິບັດການເຕີບໂຕເໝາະສົມ. ຂ້າພະເຈົ້າສະເໜີໃຫ້ລັດຖະບານຈົ່ງພິຈາລະນາບັນຫານີ້ຄືນໃໝ່. ຂ້າພະເຈົ້າສະເໜີເພີ່ມເຕີມຈຸດໝາຍໃນການສ້າງໂຄງປະກອບເສດຖະກິດຄືນໃໝ່ ແມ່ນຮັບໃຊ້ມະນຸດ, ມຸ້ງໄປເຖິງຈຸດໝາຍມະນຸດ ຄືຍຸດທະສາດຂອງພັກໄດ້ກຳນົດການພັດທະນາປັດໄຈມະນຸດ, ຖືມະນຸດເປັນຈຸດໝາຍຂອງການພັດທະນາ“
ສ່ວນທ່ານ Nguyen Ngoc Hoa ສະມາຊິກສະພາແຫ່ງຊາດນະຄອນໂຮ່ຈິມິນ ປະກອບຄຳເຫັນວ່າ:
“ຂ້າພະເຈົ້າສະເໜີວ່າໃນແຜນຮ່າງ ພວກເຮົາຕ້ອງເຮັດແຈ້ງທຸກແຫຼ່ງກຳລັງແຫ່ງຊາດ, ແຫຼ່ງກຳລັງສັງຄົມຈະຈັດແບ່ງຄືແນວໃດ, ໃນນັ້ນເຮັດແນວໃດເພື່ອສາມາດລະດົມກຳລັງທັງໝົດຂອງສັງຄົມໄດ້ດີ. ຂ້າພະເຈົ້າສະເໜີວ່າຕ້ອງມີບັນດາຄາດໝາຍເພື່ອວັດແທກປະສິດທິຜົນຂອງວິວັດທະນະການສ້າງໂຄງປະກອບເສດຖະກິດຄືນໃໝ່. ສຸດທ້າຍ, ຂ້າພະເຈົ້າສະເໜີວ່າໃນແຜນຮ່າງຕ້ອງເຮັດໃຫ້ຈະແຈ້ງບັນດາລະບົບກົດໝາຍທີ່ສະພາແຫ່ງຊາດຕ້ອງສ້າງສຳເລັດ ເພື່ອຮັບໃຊ້ໃຫ້ແກ່ວິວັດທະນາການສ້າງໂຄງປະກອບພື້ນຖານເສດຖະກິດຄືນໃໝ່.“